Varsoviae nata
per rete divulgata
ad omnia scitu digna spectans

Martis die 29 mensis Septembris 2020
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

OPINIONES
Hic scriptores diversi sententiam suam aperiunt.
De Necessitate Linguae Latinae Servandae

De Necessitate Linguae Latinae Servandae

 

Nos,his temporibus, vivimus spectantes extinctionem multorum generum animalium et plantarum quae ante nostros oculos evanescunt et eodem modo 90 centesimae omnium linguarum hodiernarum dicuntur ante finem hujus saeculi exoletum iri.

Cum linguis, scilicet e conspectu tollentur et cultűs civiles sive culturae, memoriae multarum gentium. .

Fortasse jam audivistis illam sententiam inclyti scriptoris africani Amadou Hampâté Bâ :

"  Quotiescumque in Africa senex moritur , tota bibliotheca quoque deletur "

 

Fieri potest ut plerique juvenes et nostro tempore rapidi progressűs technologici, dicant " Quid refert ? Quid meâ interest nonnullarum linguarum exoticarum. Non pauperiores nos ipsos sentiemus si nemo linguâ tibetanâ aut linguâ armoricanâ jam loquitur. Quid meâ interest temporis praeteriti, nos juvenes tantum temporibus futuris favimus.

 

Nam mox omnes homines interrete habebunt et You Tube, Tweeter et Face Book et aliis socialibus retibus utentur, paulatim omnes habebimus eundem cultum civilem. Ubique gentium eâdem linguâ loquemur (scilicet anglicâ) eadem similia programmata televisoria spectabimus, eosdem cibos comedemus et plus minusve easdem vestes induemus.

Tandem humanitas in paradiso vivet et felicitate aeterna fruetur.

Sed nos qui litteris eruditiores sumus , nolimus immemores esse lectionum Historiae.

Sicut didicimus quotiescumque potestas, respublica quaevis aut regimen quodvis unificationem imponere voluerit sive religiosis, politicis vel linguisticis rationibus, totiens haec unificatio ad totalitarismum duxit et ad abolitionem, extinctionem libertatum individualium. Religiones monotheisticae mentes, animas, vitas regere omnium suorum asseclarum volunt . factio communistica aut factio nazista idem fecerunt.

Nonne scimus jam totam nostram vitam rationis electronicis inspectari et recenseri.

 

Totalitarismus nostris enim temporibus subdolior, astutior est, non imponit sed persuadet, adlicit et manipulat, ope mercium et praeconii ut omnes easdem merces materiales et mediaticas consumamus.

A contrario libertatem individualem in diversitate residęre manifestum est. Sed diversitas illa non esse debet solum copiam eligendi inter merces diversarum notarum sed potestatem diverse sentire, cogitare et diversis linguis loqui, hâc de causa latinitati redivivae favere diversitatem inter linguas hodiernas addere significat.

 

Nolo, pro virili parte, cum aliis europaeis civibus tantum anglice colloqui. Nulla lingua neutra est semper secum quamdam Weltsanschauung,id est visionem , imaginem peculiarem mundi affert

Cur tantum per musicam, pelliculas vestes etc .. imbueremur hoc sensu americano commerciali et mediatico ?

 

Fortasse dicetis cur non creare novas linguas ad diversitatem augendam sicut fuit propositum linguarum artificialium creandarum praecipue esperanto aut volapük. Sed quod est pondus culturale linguae esperanto si eam contulerimus cum linguâ latinâ quae duo milia quingentos annos nata est et quâ innumerabiles homines collocuti sunt, cogitaverunt, scripserunt i.e vixerunt ?

 

Recuperatio linguae latinae est recuperatio unius partis nostri patrimonii culturalis europaei.

Est pars nostrae identitatis graeco-romana et judaeo-christiana.

Est lingua mater cultus civilis europaei.

UNESCO ubique terrarum monumenta et quasdam regiones naturales servare conatur. Sunt qui nunc putant et bona culturalia servanda esse , sicut gastronomiam francogallicam et varias musicas traditionales

Puto equidem linguas classicas servandas esse ut bona culturalia totius humanitatis.

Loquendo latine vinculum creamus inter praeterita et futura tempora quod nos fortiores et robustiores in his temporibus dubiorum eventuum rerum futurarum faciet.

 

Sic adagium dicit

Si nescis quo iter facias memento unde veneris

Scripsit Marc Olivier Girard - 18/05/2020 16h16



Nuntii Latini Stationis Radiophonicae Finnicae

Nuntii Latini Bremenses



.

.



BREVES In nosocomio capitis Indiae Novae Delhi periit puella undeviginti annorum quae horrendam vim passa est, cum stupro, linguae amputatione et spina fracta. Vehementes reclamationes feminarum adversus quattuor scelestos interfectores exortae sunt.
“Mox morbus debellabitur Ne id appellaveritis coronavirus, sed chinavirus. Vocabulum corona sonat ut oppidum Italicum vel quiddam huius generis!” Ita nuper praeses Trump in sermone comitiali clamavit in Pennsylvania habito.
In Aegypto apud sepulcretum Sakkara in puteo sacro XXVII sarcophagi inventi sunt qui feruntur a duobus milibus annorum repetere. Inventum pro numero maximi momenti reputatur.
Tunisensis Ridha Mahmoudi, qui profitebatur se sacerdotem catholicum Roberto Malgesini, auxiliatorem pauperum et migrantium necavisse, coram iudice dicta de nece revocavit. Priore die Martis sponte publicis satellitibus condiciones et causas sceleris aperuerat.
Persia. Societas Nationum de uranii nuclearis continua accumulatione ab illo Persarum consule totum orbem monuit: "Decies modum moles excedit!"


IN ORBE
IN ORBE
OPINIONES
IN ORBE
SOCIALIA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: