|
Varsoviae nata |
|
Homo sum humani nihil a me alienum puto. |
| Veneris die 4 mensis Julii 2008 | ||
UCRAINA ET GEORGIA NONDUM AD FOEDUS ATLANTICUM INTRANDUM INVITANTUR
NATO aegrotat, Moscovia triumphat
Variae sunt opiniones de effectibus summitatis Bucarestensis foederis NATO post primum eius diem, una res tamen clare patet: membra Foederis Atlantici in multis rebus una voce loqui nesciunt.
Verisimiliter maximam victoriam e summatate Bucarestensi domum reportaturus est... praesidens Russiae Vladimirus Putin, qui sessioni tantum in fine eius, ut hospes, die Veneris adfututurs sit. Ob vehementem enim oppositionem Russorum terrae sociae NATO recusaverunt, quin duas civitates vicinas Russiae, Ucrainam et Georgiam, ad statum membri foederis negotiandum invitarent. Officialiter invitatio prorogata est in mensem Decembrem, multi tamen credunt eam re vera ad Kalendas Graecas procrastinatam, inter alia etiam propter talis consilii capiendi minimam voluntatem Europaeorum membrorum NATO, qui maxime Moscoviae favent, ut Germania. Analytici rerum politicarum admonent etiam ipsos Ucraineses, praeter regimen praesidentemque, non vero se Foedus Atlanticum intraturos velle.
Maxime tamen ad consilia procrastinanda effecisse videntur minae Palatii Kremlini se agniturum esse independentem statum duarum regionum autonomarum separatisticarumque Georgiae - Abchasiae et Osetiae - si Georgia ipsa terra socius NATO fiet. Ob similem Moscoviae minantionem, i.e. se regionem separatisticam Transnistiam agnituram, recusavit nuper, quin statum membri foederis peteret, regimen Moldaviae.
Pretium "procrastinandi" invitationis Ucrainae et Georgiae est assensiio membrorum NATO, ut US-Americani missilia sua intercaptiva in Polonia ac scutum antimissile in vicina Bohemia ponant. Qui tamen consesus magna ex parte iam exspectabatur.
Etiam in Balcania non omnia evenerunt, ut spiritus movens foederis, regimen scilicet Washingtoniense, sperabat: Graecia vetuit, quin invitataretur ad foedus intrandum Macedonia, de cuius terrae nomine inter Athenas et Skopje a quindecim annos acriter contenditur. Sola nova membra-in-spe Balcanica NATOnis officialiter pronuntiata sunt Albania et Croatia.
Scripsit Stanislaus Tekieli - 04/04/2008 12h27
Quinque homines mortui sunt in pugnis biocolytarum cum civibus, qui condicioni extraordinariae modo in Mongolia pronuntiatae reclamant. - 02/07/2008 11h02
Praesidens Poloniae Lech Kaczynski decrevit se non firmaturum Tractatum Lisbonensem, postquam eum Hiberi (Irlandi) plebiscitu reiecerunt. Similia consilia teneantur praesidentes Bohemiae, Vaclav Klaus, et Germaniae, Horst Koehler.
De difficultatibus cum Tractatu Lisbonesi praesidens Francogalliae Nicolas Sarkozy dixit primo in die praesidentatus Galliae in Unione Europaea: "Aliquid vero non bonum fit". - 01/07/2008 10h25