|
Varsoviae nata |
|
Homo sum humani nihil a me alienum puto. |
| Veneris die 4 mensis Julii 2008 | ||
Lesbi incolas in ius adituros esse
Quomodo appellandi sunt incolae Lesbi, insulae Graecae? Lesbii (Anglice Lesbians). Eodem verbo etiam mulieres mulierum amantes iam diu vocantur, quod prima talis mulier nota Lesbia Sappho fuerit: cui rei studiosi recenter contradicunt, nam poëtria praeclara mater familias et magistra tantum scholae nobilium puellarum fuit. Quae si re vera suae vitae finem imposuit, viri propter amorem fecit.
Nunc Lesbi cives in ius adire deliberaverunt, ne mulieres homosexuales eodem verbo ac se amplius appellentur. Causam promovit Demetrios Lambrou quidam, qui insulae incolum iura violata eorumque existimationem offensam esse ait: vitam cotidianam Lesbiorum ita molestia affici regimenque Graecorum tantopere perturbari, ut insula haud suo nomine sed ex urbe maxima Mytilene appelletur. De Hellenicorum homosexualium communitatis nomine iudices propediem deliberaturi sunt.
Scripsit Herimannus Novocomensis - 02/05/2008 23h30
Minister Finnicus officio se abdicavit, postquam cognitum est illum ducentos nuntios breves telephonicos mulieri sui denudatrici misisse. - 02/04/2008 08h26
Custodes publici Francogallici Pictavii (Poitiers), in oppido Galliae occidentalis, aprum armis igneis percusserunt et necaverunt per vestimentorum tabernam discurrentem atque emptores territantem. - 23/12/2007 18h19