Varsoviae nata
per rete divulgata
ad omnia scitu digna spectans

Martis die 29 mensis Novembris 2022
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO

PREX CONSECRATIONIS MARIAE

pronuntiata a Pontifice Iohanne Paulo II ante fideles in Forum Sancti Petri congregatos anno MCMLXXXIV (partim conversa)

O Mater hominum et populorum, Tu quae novisti eorum dolores et spes, Tu quae materno more sentis omnia eorum certamina inter bonum et malum, inter lucem et tenebras quae omnem orbem hodiernum concutiunt, accipe conclamationem quam, a Spiritu Sancto moti, ad tuum Cor aperte advertimus: complectere, amore Matris et Domini Servae, hunc nostrum humanum mundum quem Tibi tradimus et consecramus, pleni sollicitudine sortis huius vitae et sempiternae hominum et gentium.

Adiuva nos ad minas superandas mali quod tam facile radices immittit in cordibus hominum hodiernorum ac quod cum suis exitibus incommensurabilibus iam opprimit praesentem vitam et vias ad futura praecludere videtur.

A fame et bello… libera nos!

A bello nucleari, ab ingentissima eversione a nobis ipsis effecta, ab omni genere belli… libera nos!

A peccatis adversus hominis vitam usque ab incepto… libera nos!

Ab odio et abiectione filiorum Dei dignitatis… libera nos!

Ab omni iniuriae genere in vita sociali, nationali, internationali … libera nos!

A facilitate conculcandi Decalogum Dei … libera nos!

A conatu obscurandi in cordibus hominum ipsam Dei veritatem … libera nos!

A peccatis contra Sanctum Spiritum … libera nos!

Accipe, o Mater Christi, hunc clamorem omnium hominum doloris plenum! Plenum dolorum universarum gentium!

Adiuva nos potestate Sancti Spiritus ut omnia peccata vincamus: hominis peccatum, mundi peccatum, omnia genera peccatorum. Patefiat, iterum in historia mundi, infinita salvifica potentia Redemptionis: potentia amoris misericordis! Ille reprimat malum! Animos convertat!

In tuo Corde Sanctissimo pro omnibus lux spei patefiat! Amen.

Scripsit Lydia Ariminensis - 06/11/2022



.

.



BREVES Missilia nonnulla per Russicos noctu in urbem Ucrainam Zaporizhzhia, quae recenter propter ergasterii nuclearis contentionem famosa facta est, coniecta sunt nosocomiumque severe affecerunt; praefectus urbi Alexander Starukh aegrotantes modo nec cives alios offensos esse rettulit. -
Cum conservativi praesidis Netanyahu consulatus novus nuper incipiat, Hierosolymae bombarum duarum hodierna conflagratione iuvenis annos XVI natus perit atque homines XXXI offenduntur. Quae vero petitio adhuc nulli sectae vindicatur, sed factionibus islamicis jihadistis necnon parti Hamas maxime placere videtur.
In Indonesia terrae motus graduum 5,6 magnitudine insulam Iavam, incolis frquentissimam concussit: milia domorum corruerunt, centenae mortui et vulnerati; complures autem sub ruinis manent. Aditus partim ob fragmenta in viis intermissi sunt.
Nova nex contra feminam Indicam in urbe Nova Delhi perpetrata est. Sponsus sposam occidit quae ei instabat ut se in matrimonium duceret. Rem reddit magis scelestam quod iste, cotidie, per duodeviginti dies, in horto publico corporis singula fragmenta inhumaverit.
Congregatio, cui "Auxilium Ecclesiae patienti" nomen est, nuntium maestum nuper divulgat: in civitate Nigeriana Kachia lga presbyter Abraham Kunat hodie rapitur; ipse Kunat, ut congregatio addidit, sacerdotum tertius atque vicesimus anno MMXXII raptoribus captus esse videtur.


RELIGIO
OPINIONES
POLITICA
ATHLETICA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: