Varsoviae nata
per rete divulgata
ad omnia scitu digna spectans

Solis die 18 mensis Augusti 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

INSOLITA
CRISI OECONOMICA MINUS CARNIS HUMANAE CANICULIS PRAEBEATUR

CRISI OECONOMICA FIT UT PAUCIORES HOMINES A CANICULIS MARINIS NECENTUR

Cave bestiam ferias non agendo

Crisi oeconomica mundana etiam caniculae marinae quodam modo affectae sunt, rarius enim nunc homines in mari natantes dentibus petere possunt. Ita saltem cogitant scientistae Universitatis Studiorum Floridensis, qui annuatim comparant statisticam ictuum canicularum in homines per totum orbem terrarum annuntiatorum. Secundum data eorum, praeterito 2008 anno tantum 59 homines ab istis bestiis marinis appetiti sunt, dum paenultimo 2007 anno - 71. Ita fit, licet maior numerus canicularum prope oras marium appareant.

"Nullo alio modo haec phaenomenon explanari potest prae crisi oeconomica, qua fit ut minus hominum ferias in ore maris facere nunc soleant" - clamat George Burgess, qui moderator est Floridiani gregis studiosorum, noto a nomine indicis a se comparatae International Shark Attack File.

Eandem rem evenisse - pergit Burgess - iam anno 2001 (post cladem bursariam ad societates novae technologiae spectantem), licet numerus incolarum mundi crescere pergeret et tunc et praeterito 2008 anno.

Galeologii (qui scilicet vitam canicularum student) affirmant quoque maiorem numerum canicularum his duobus praeteritis annis ad oras maris apparere, quod effectum sit phaenomeno meteorologico nomine Hispanico La Nina (puellula) noto, quo fit ut permulti pisces de profundis maris adveniant aquas prope oras terrae petentes. Ultimo tempore de ictibus canicularum saepius saepiusque annuntiatur etiam de locis - ut Insulae Coconeae aut magna pars Oceani Indici - ubi rarissime antea talia evenisse reportabantur.

Quattuor victimae dentium canicularum praeterito in anno vitam amiserunt: duo in Mexica, tertius vir in Australia et quartus in USA. 57% victimarum ictuum sint unditabulatores (Anglice surfers), "naves" enim eorum caniculis saepe formam phocae in mentem adducant.

Inter Neolatinistas autem contenditur de vero nomine bestiarum marinarum, quae homines interdum petunt. Sunt qui clamant eas apud veteres nominari aut pistrices, aut squalos, aut lamias, alii quoque pardalem Graecum adducunt, quae vox (praeter galeum), si ad bestiam in mari viventem denotandam adhibita sit, immo eandem - dicunt hi - monstrasse, quam hodie Anglii nomine shark, Germani Hai, Galli autem requin appellant. Nos autem sequimur nomen caniculae (marinae), quod Leo Latinus proposuit.

Scripsit ANL - 23/02/2009 10h32




BREVES Reclamationes non desinunt in territorio Sinensi (Hong Kong) quod fuit colonia Anglica usque ad annum MCMXCV. Nunc V milia seditiosorum aŽriportum intercludunt. Seditio exorta est contra legem traditionis, qua punirentur rebelles pro libertate pugnantes. Prope DCC ab ineunti mense Iunio comprehensi sunt.
Praeses Donaldus Trump nuntiavit vectigal decem partium ex centum impositum iri in CCC miliarda mercium a Sina venientium, quod magnum timorem in mercatum nummorum iniecit; utique reputatur in re consilium inesse ut Argentaria Primaria Americae (FED) non mediocriter usuram pecuniae imminuat ad oeconomiam fovendam.
Jihadista Osama Bin Laden, qui terrore suo Boreoamericam summe exterruit, prolem procreauit: Hamza nomen eius. Ille, qui potestatem patris in sodalitate Al Qaeda recipere cupiebat, clam periit: exploratores enim Boreoamericani modo nuntium, singulis omissis, protulere.
"Remigium nauis Britannicae hominum XXIII saluum atque nullo uolnere deprehensum est." Legati Administrationis Persicae hodie nuntium protulere. Vtrum restituentur prompte an non nescitur.
Apud caput Graecum hodie terrae motus: ratione Richteriana in incolas quintam uim perfundit. Nullus periit ciuis, qui magna frequentia domum suam effugit. Multa uastantur.


INSOLITA
POLITICA
SCIENTIAE
INSOLITA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: