|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
Sacerdos Russus orthodoxae ecclesiae christianae sanctificat aqua sacra navem spatialem Soiuz TMA 16 in cosmodromio Baikonur (in vicina Russiae Kazachstania), antequam vehat naves duos astronautas ac miliardarium Canadianum in Internationalem Stationem Cosmicam (ISS).
Mulier Hondurana in urbe capitali Tegucigalpa reclamitat decreto regiminis, ut libertates civiles suspenderentur ad quadraginta quinque dies propter crisin politicam, quae orta est, cum expulsus pristinus praesidens Manuel Zelaya clam in terram revertisset et in aedes legati Brasiliensis se contulisset.
In therotropheo Monasteriensi (Muenster) Germanorum iuvenis rhinoceros pila ludere amat.
Mater Kim Won-sook primum a tempore belli civilis Coreanorum (1950-53) filium suum convenit, cum regimen communisticum Coreae Borealis siverit 96 civibus familiares suos in Corea Merdionali viventes visere in loco inter ambas Coreas limitali.
Tam altis in cothurnis quomodo ambulare potest modella Pamela Anderson, hic in stega cursoria Neozelandicae urbis Auckland a photographicis capta?
Scripsit Stanislaus Varsoviensis - 29/09/2009 17h32
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
