Varsoviae nata
per rete divulgata
ad omnia scitu digna spectans

Lunae die 13 mensis Julii 2020
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

SOCIALIA
Reddite filium meum!

Reddite filium meum!

Haec verba mater clamavit, in diurno quodam imaginem filii sui cum vidisset, militarem vestem induti atque in manu telum plumbivomum, etsi lusorium, gerentis.

Saepe accidit, quod antea non fiebat, ut viri et mulieres, moribus et cultu admodum diversi, matrimonio se iungant. In Italia temporibus antiquis erat in proverbio “uxores et boves vicorum tuorum” (italice “moglie e buoi dei paesi tuoi”). Tempus inexorabile fugit, mutat mores; plurimi migrant, mores patrios paulatim vel partim deserunt. Vincitne amor omnia? Dubium est quin verum sit, praesertim cum maritus cultum Muslimum colit, uxore autem catholicum cultum colente. In educandis liberis diversitas morum eminet. Maritus saepe cultum suum liberis imponit, auctoritate abusus. Amor ergo omnia non vincit.

Animos in Italia movit historia pueri Ismaili, matre Cubana et patre Bosniaco nati. In septentrionali Italiae parte vivebant. Nemo ignorat Bosniam Herzegovinam et ethnicis et religiosis causis cladium horribilium sedem fuisse. Ibi, ut omnibus constat, Tito vivente atque imperante, populi varii vi “in pace” vivebant. Mortuo Tito, singulis populis libertatem et suam rem publicam appetentibus, civilia bella exarserunt. Bella illic postea cessaverunt; saepe autem eorum animi, qui caedes aspexerant aut passi erant, non quieverunt. In Vicini Orientis regionibus Exercitus creatus est IS, qui vi inenarrabili (morte, cruciatu, imaginibus in reti mundano insertis) cultum fanaticum gentibus in dicionem redactis imponit. Sunt nonnulli qui, etsi multos annos in Europa vixerunt, tamen quasi vocati ad istum Exercitum accurrunt; se ipsos fortasse recipere sibi videntur, se ipsos moribus in Europae nationibus vigentibus quasi oppressos. Huc accedit quod quaestio Palaestina longe abest ut pace solvatur (utrimque “pacis columbae” desunt!). Innocentes enim in illa mundi parte mortem obeunt.

Maritus Bosniacus uxori dixerat se filium apud Bosniacos propinquos ducturum esse. Dixerat, in Syriam autem pervenit, ubi mortem obiit. Amico commilitoni filium commiserat, a quo petiverat ut, si mortuus esset, puerum curaret eumque disciplina bellica institueret. Mater filium, vultu et oculis tristem, in imagine edita agnovit, magistratus Italos obsecravit ut sibi filius redderetur. Omnes ad matrem eiusque obsecrationes nos coniungimus. Vincetne matris fletus belli vim?

Scripsit Domenicus Caveosanus - 24/12/2014 03h50



Nuntii Latini Stationis Radiophonicae Finnicae

Nuntii Latini Bremenses



.

.



BREVES Augustae Tiberiae Georgius Ratzinger, frater Benedicti XVI, nonagesimo sexto anno aetate, mortem obiit. Artis musicae peritissimus, ordines sacerdotales acceperat eodem die ac Papa Emeritus qui ante duas hebdomadas eum ivit salutatum.
Praeses Trump postulat decem annorum poenam carceris in eos qui monumenta publica vel destruant vel inscriptionibus vitient; nuper enim Praeses ex Aedibus Albis prospicit turbam, quae conabatur Andreae Jackson statuam deicere.
Apud Ciuitatem Mexicum terra maxime tremuit: concussio tanta enim fuit, ut rationis Richterianae gradum prope octauum attigit. Ruinae tamen notitia nulla peruenit, quamuis pollentissimus tremor fuisset.
Compertum est dexametasonam, quae est species steroidis, posse sanare vili pretio partem fere tertiam aegrorum, qui ex viro covidiano laborant. Sic nuper provulgatum est ab Universitate Oxoniensi. Hoc enim est primum pharmacum, quod hos aegros partim potest mederi.
In urbe Itala Mediolano furor iconoclasticus statuam celebris diurnarii Alexandri Montanelli percussit, qui opinionis conservativae fuerat, odii phyletici et stupri accusatus. Aliqui discipuli Universitatis per teniam sibi vindicaverunt scelus: simulacrum colore rubro inquinatum est.


IN ORBE
SOCIALIA
IN ORBE
SCIENTIAE
IN ORBE

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: