|
|||||||||||
|
|
POLITICA
INCURSIO SINENSIUM IN COMPUTATRA TOTIUS MUNDI Cyberias Serica Speculatores per interrete agentes, quibus sedes principalis in Sinis, invasisse computatra per omnem orbem terrarum nuntiant rerum computatralium periti Canadienses. Inter computatra ab illis inspectata sint etiam machinae, quibus regimina multorum civitatum utuntur.
Praeter documenta officialia, speculatores GhostNet potuerunt in nonnullis aedibus legatorum instrumentis audiovisualibus uti, ut domus ipsas a se interretialiter clam visitatas melius, quasi oculis auribusque vivis, inspicerent - patet ex investigatione Canadiana. Scripsit ANL - 29/03/2009 20h07 |
BREVES
Viktor Yanukovych, Russorum amicus, putatur vix praesidens Ucrainae electus esse contra adversariam Juliam Tymoshenko, praesidentem hodiernam. - 07/02/2010 23h06
Rumiana Zheleva, quam diurnarii Bulgari suspiciunt corruptelae, se munere ministrae rerum exterarum abdicavit. - 20/01/2010 09h31 Incolis Massachusetae, USAe rei publicae orientalis, eligendus est senator qui sellam defuncti Eduardi Kennedy occupabit. Qui nisi democraticus erit, discrimen magnum Baraco Obama orietur. - 19/01/2010 22h47
VIDE ETIAM
|
|||||||||
Gregi speculatorum - cui
nomen GhostNet datum a diurnariis est - contigerit 1.295
computatra multoties visitasse in 103 terris mundi. Inter
victimas incursus cyberiadis Sericae esse machinas servatorias,
quibus utuntur aut aedes legatorum aut ministeria rerum exterarum
talium civitatum ut Persia, Bangladesh, Livonia (Latvia),
Indonesia, Insulae Philippines, phylarchatus Brunei, Barbados,
Bhutan, India, Corea Australis, Indonesia, Dacoromania, Cyprus,
Melita (Malta), Thailandia, Formosa (Taiwan),
Lusitania (Portugalia), Germania et Pacistania. Piratae
cyberici adorti etiam sunt officia regiminis in exilio Dalailamae,
unde colligere potuerint quoque epistulas privatas ductoris
spiritualis Tibetanorum - nuntiat associatio Canadiana Information
Warfare Monitor (IWM), quae sequitur crimina cyberica in
toto orbe terrarum per interrete patrata, quaeque iam a decem
proxime praeteritis mensibus cyberiaden Sinensem investigabat.
Investigationi aderant etiam studiosi Universitatis Torontianae
sedis iunctionibus inter nationes studendibus, nomine Munk
Centre for International Studies. 
