|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
A.d. XII Kal. Oct. MMXVII Laurentius Ludouicus (Laurent Louis) senatorius a iudicio Bruxellensi negationis, quae est nefariorum in castris nazisticis factorum infitiatio, damnatus est. Duobus ante annis in commentariis suis interretialibus haec scripsit: ‘Joannes Marius Le Pen licet uaporaria Belli Vniuersi historiae floccum esse diceret, si paulum meditamur, dubitare possumus an omnino erraret (…).’ Iudicium primum senatorium cum dilatione in carcere duci decreuit eique poeniam MMM euronum dedit. Cum prouocauerit, damnatione liberatus est, sed nisi condiciones obseruet, quinque per annos quotannis castra nazistica uisitare debet, de quo aut in interrete aut in senatu referendum est. Haud primum damnatur, nam anno MMXIV Aelium Di Rupo primum ministrum Belgarum ante senatum pedophilum appellabat. Insuper aperte se antisemistam ostendit, ut propter amentiam in iudicium uocatus est a Marco Metdepenningen, scriptore periodici Le Soir. Scripsit Vincentius Hircus - 29/09/2017 19h55 . . |
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||