Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Jovis die 15 mensis Novembris 2018
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Pontificiam Cohortem Helveticam quingentesimum annum ab ea condita celebrare

Pontificiam Cohortem Helveticam quingentesimum annum ab ea condita celebrare

Omnibus Romam venientibus occasio imagines luce impressas magni aestimatas reddendi a viris Cohortis Pontificae Helveticae vestibus ad mediam aetatem pertinentibus indutis, hastis securiferis instructis ingressusque Civitatis Vaticanae custodientibus offertur. Fallunt autem ii, qui eos solum ad Civitatem Vaticanam venuste ornandam putent idoneos. Quinque quidem abhinc saeculis Romanis Pontificibus officia praestant, cum Summus Pontifex Iulius II (1503-1513) quingentos milites gregarios ex Helvetia Romam, ut corpus eius tuerentur, venire iussisset. Per Portam Populi transeuntes ad Arenam Petrinam (vulgo Piazza di San Pietro) pervenerunt, ubi Summus Pontifex eos benedicione donavit unaque cum multis hominibus salvere iussit.

Post iam viginti annos custodes palatii, natione Helvetici, in Summo Pontifice defendendo probatos se praestare potuerunt, cum die VI mensis maii MDXXVII isti milites hispanico-theodici Imperatoris Caroli V in Urbem invasissent et in Montem Vaticanum diripiendo caedesque faciendo contendissent, ut, cum dux eorum mortuus esset, hoc modo stipendia eis nondum adhuc dato compensarentur. Id quod tunc evenit in monumentis rerum gestarum verbis "Direptio Romae" (italice Sacco di Roma) inscribitur. Eo ex tempore dies VI mensis maii ad honorem Cohorti tribuendum celebratur. Qua die sacramentum eis proferendum est quo promittant se fide, probitate, honore munere Petrino fungenti servituros totisque viribus, paratos etiam, si necessarium fuerit, ad vitam dandam, eum defensuros.

Hoc anno MMVI dies celebratur qua illa celeberrima cohors condita est, quam fuisse diem XXII mensis ianuarii MDVI rerum gestarum memoriae documenta nobis referunt. Huius occasione data diei milites die dominica (seu Solis) proxima XXII mensis ianuarii MMVI rebus divinis, Angelo Cardinali Sodano, qui munere Secretarii Status fungitur, eas una cum aliis clericis ampla autoritate dignitateque praeditis celebrante, Deo gratias acturi in Sacra Aede Xystina (vulgo Capella Sistina) interfuere. quibus sollemnia huius anni inchoavere. Eo quoque tempore in aede sacra cathedrali Friburgensi in Helvetia Georgius Maria Cardinalis Cottier res divinas celebravit, quintentis militibus cohortis, qui olim in Civitate Vaticana ministrabant, illis adstantibus.

Rebus divinis celebratis, Summus Pontifex Benedictus XVI, oratione Angelica ad caelum ellata, milites cohortis in Area Petriana laudavit et, pro ministeriis "acriter et fideliter" quingentos anno erga Summos Pontifices praestatis gratias eis agens, instar Iulii II, eius in munere Petrino exercitando illustris decessoris illiusque, qua nusquam celeberior exstat terrarum, cohortis conditoris, benedictione donavit, postquam his verbis eos allocutus est: "His utinam sollemnibus corroboremini animique conformentur ad ministeria muneri Petrino fungenti fide praestanda." Tempore postmeridiano Beatissimus Pater quosdam corporis custodes insignibus laudandi causa gratias eis agens exornavit.

Scripsit Gero P. Weishaupt - 22/01/2006 21h14



Catherine Gauchon
Artiste peintre



BREVES Non intermittitur calamitas incendiaria magnam partem Californiae vastans quae ingentissima ex omnibus existimata est; quinquaginta perierunt in flammis, sed plurimi dilapsi; multa milia domorum incensa sunt, abeuntes quinquaginta milia.
In electionibus medii temporis Civitatum Americae Unitarum Populares maiorem numerum subselliorum in consilio legatorum populi, Republicani in senatu tulerunt; Praeses Trump victoria partim comparata exsultat.
Athenarum Administratio hodie publicum proclamauit nuntium: fines maritimos Graecos diffundere nam excupescit a VI usque ad XII milia nauticas, sed non in neminis aquas. Limes enim Turcorum ualicandus putatur apud Administrationem Graiam, quodpropter Praesidi Turco Erdogan hoc "casu belli" nuncupat.
Imbres vehementes et ventus furens plures Italiae regiones vastant: ob casus arborum vel res lapsas septem perierunt, decades sauciati. Fluctuum impetus et eluviones timentur.
Collegium Europae legem nummariam Italicam reppulit, quae mutata intra tres hebdomadas tradenda erit. Minister Primarius negavit hoc fieri posse: aes alienum provisum non imminutum iri.


POLITICA
INSOLITA
SCIENTIAE
INSOLITA
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: