NUNTII

Mstislav Rostropovich suum diem obiit

Post diuturnum morbum, qui tamen nisi nuper insignem Russum musicum a scaena arcere non ita valuit, Mstislav Rostropovich illius, maximi per saeculum XX totum pulsatoris amplae violinae, in cubiculo quodam nosocomii cuiusdam Moschae in urbe siti necnon canceraticis morbis curandis dicati, cor tandem pulsare desiit. Rostropovich, qui iam duas chirurgicas sectiones a mense Februario passus erat, octoginta annos nuper adimpleverat atque uxoratus cum cantrice melodramatica nomine Galina Vishnievskaia iam quinquaginta et duos annos manebat. Eximius discipulus Pauli Casals necnon Demetrii Shostakovih (quem cordi una cum Sergio Prokofiev illo habebat) unus ex optimis musicis per totum tempus egregia virtute non modo pulsandi sed etiam orchestram regendi gaudens putabatur.

Multis necnon clarissimis praemiis ab eo receptis, inter quorum numerum iis quibus nomen Stalin (maximum in evolata URSS tunc concedendum) necnon Princeps Asturiarum, quod quotannis ab Hispana Fundatio concessum, plurimae eius rei causae nominari possunt, causae enim non modo ad artem musicam, sed etiam ad iurum humanorum defensionem pertinentes, nempe epistula illa ad ephemeridem nomine Pravda ab ipso Rostropovich quondam -difficilioribus enim in temporibus- missa, qua oppugnationes insectationesque in Alexandrum Solzhenitsin illum a moderatoribus Sovieticis communisticis illis confectas magna virtute necnon audacia haud parve reprobavit, ex qua causa ipse URSS relinquere atque civitatem amittere coactus est. Alexander autem Solzhenitsin ipse, morte amici modo cognita, "amarus ictus in cultum nostrum evenit" dixisse creditur.

Musae necnon divus Apollo, Parnaso illo ubi cotidie habitant descendentes, eximii musici funera comitari putantur...

Scripsit Ansgarius Legionensis - 29/04/2007 15h18

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.