Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII

DE BREXITV BIDENQUE ET BRITANNIA

De re Anglica consule Biden Americano

Commercium.jpg

Tempore viri cornarii, preater eas fortunae vicissitudines, quae curis sint omnibus gentium principibus magistratibusque, Boris Iohnson Primarius Britanniae Minister praesertim a pactione de commercio inter Britannos atque cives gentium Consociationis Europeae facienda vexatur, quia, nisi prius de commercio pactum erit quam Britanni tandem pridie Kalendas Ianuarias ab Consociatione discedent, inhibebuntur nonnihil negotii nonullorum civium utriusque partis.

mense Octobri, cum legatos Britannicos apparitoresque Europaeos inter se de iure piscandi ad litora Britanniae, de opitulando a re publica societatibus egentibus, de iurisdictione iudicium Europeaorum dissiderent, illum Iohnson, qui Brexitu peracto et pactionem novam de commercio cum Americanis moliturum esset, acta diurnia ferebant meditari, utrum summa spe in Preaside Americano posita nulloque cum Europaeis de commercio pacto Britannos praecipites a Consocietatione Europea deduceret, an legatis imperaret, ut summam industriam in condiciones cum Europaeos agendas adhiberent.

Propterea moratus dicitur, dum id appareret, quod magnopere eius referebat: comitiis Boreoamericanis habitis, quis summum Foederatarum Americae Civitatium magistratum gesturus esset.

Nam ei, etiamsi constat Donaldum Trump esse amicum, quippe qui Primarium Ministrum nuper creatum “Trump Britannicus” nuncupaverit, exiguior tamen esse amicitia cum Iosepho Biden videtur, quoniam hic, anno proximo, haudquaquam laudandi causa, eum dixerit, simulacrum et animo et corpore Donaldi Trump.

Exitu comitiarum iam satis patefacto, Primarius Minister, licet nonnulli gentium principes eum occupavissent, novo magistratui futuro gratulatus est. Quo facto, difficilem socium ad colendum nunc habet, quod quaedam rogationem de Brexitu efficiendo ad Parlamentum Britanniae latam Biden nuper increpuit.

Huius rogationis Iohnson est fautor, quae, si a Parlamento scita lexque facta sit, id fiat, quod quidam minister, dum rogatio in Parlamento disputatur, palam confessus est: ut quaedam condiciones, quae ad limites portitoriaque inter Hiberniam atque Boreohiberniam attinent, foederis cum Consociatione Europea, anno proximo icti, violentur.

Mense Septembri, Biden, cum ille dixerit, timorem sibi esse, ne pacem illam in Boreohibernia, quae anno MCMXCVIII pactione Feriae sextae in Passione Domini parta erat, Brexitus pericletur, aegre hanc rotationem ferre, Primarius Minister certior factus est.

Adde quod eo tempore litteras quoque a quattor senatoribus Americanis scriptas, in quibus similies sunt expressae sententiae, accepit: nonnullos in senatu Foederatarum Americae Civitatium pactionem de commercio Britannorum una cum pactione de pace Boreohiberniae tractaturos. Deponeret ergo ulla consilia iniqua, quibus condiciones de Boreohibernia foederis cum Consocatione Europea neglegari posset; caveret, ne Brexito agendo vel pax in Boreohibernia vel amicitia inter Britannos Americanosque labefieri sineret.

Contra publice dictabat: apparitores Europaeios non bona fide condiciones de commercio cum Britannis agere, necesse ergo fuisse sibi suam rogationem ad Parlamentum ferre. Negavit se rogationem depositurum. Id tamen, quod timerent Americani, fieri haudquaquam velle.

adhuc non patet, quid de commerciis vel cum Europaeis vel cum Americanis Ionhson facturus sit. Sed “amicitia propria,” quam Britanni vocant, inter Americanos Britannosque difficilior ad servandum ei facta est, quam Donaldo Trump Praeside fuit.

Scripsit Rufus Britannicus - 12/11/2020 18h11



Catherine Gauchon
Artiste peintre

.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: