|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
NOVA DE MUNERIBUS SECRETIS AMERICANORUM PATEFIUNTMagna fuga nuntiorum ad necopinatas rationes speculandi spectat
Societas Wikileaks e fuga nuntiorum vulgavit munera secreta Civitatum Americae Unitarum per piratas informaticos societatum praeclararum telephonia mobilia (Apple, Microsoft ) aucupare, immo etiam instrumenta televisifica (Samsung) adhibita quasi microphonia essent. Sedes piratarum Francofortum ad Moenum dicitur. Etiam nexum Donaldi Trump reti sociali Twitter in discrimine esse. Vasingtoniae inter se viri multae auctoritatis variarum partium de speculatione informatica Russica disputabant cum contra exspectationem societas Iulii Assange nuntium ut pyrobolum iactavit: constat archivis magis quam septem milibus explanantibus quomodo munera secreta Americanorum ratione vix credibili subauscultare possint quid dicatur in domibus ubicumque instrumentum televisificum novissimum (Smart TV ) adsit, praeter telephonia mobilia nuperrime inventa quae in magnos speculatores mutantur, cum imagines, colloquia, sonos transmittant. Sed tantum initium est patefactionis rerum occultarum , cum minima pars nuntiorum effusa sit. Ex documentis inventis, periculum maximum est ne arma informatica instruantur, violato systemate rerum interreti conexo , ut vehiculorum, quae machinae interfectrices fieri possunt. Alia consequentia ne imaginari quidem quimus… Scripsit Lydia Ariminensis - 08/03/2017 23h48
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
