POST TRECENTOS ANNOS DENUO MORTUUS

Obiit pictor Franciscus Starowieyski

Varsoviae Polonorum mortuus est 79 annorum Franciscus (Franciszek) Andreas Bobola Starowieyski, familiae nobilis, quae utitur insigni gentilicio Biberstein. Qui imprimis praeclarus est vita sui incredibili, deinde permultis picturis (praesertim imaginibus linearibus praeconisque theatralibus), quas hereditati reliquit. Se ipsum sensit esse incarnationem unius sui veterum, saeculo XVII vigentis, signavit ergo opera sua annis huius saeculi. Ut multoties explanabat, quod factum esse post saeculum XVII videbatur ei esse ludum tantum imaginationis. Picturas suas interdum imbuere solebat scriptis explicatoriis, exaratis quasi vetero more pictorum Germanorum aetatis barocianae.

In operibus suis sine dubio videtur Starowieyski obsessione laborare nudati corporis feminini necnon themate oculi humani. Abundant opera eius "pinguetudine" corporum mulierum inter se saepe perplexorum, diceres Rubens eas muliers primis lineis designavit. In vita autem - ut propinqui eius affirmant - etiam a maceris feminis minime abstinebat. Ut corpora humanum melius studeret, loca ad ripam fluminis lacusve frequentabat, ubi homines nudi (nudomanes) sole appricari solebant.

A multis putabatur esse quasi surrealista, ipse tamen dicebat se nullum gregem artificum reperire posse, quibuscum communem linguam inveniret. "In meis picturis si alicui homini adest caput dissectum, id eum nullo modo prohibet, quin se felicem sentiat" - citatur dixisse.

Scripsit ANL

ANTIQUI MORES (VIII)

ANTIQUI MORES (vi)

INVENTUM MIRISSIMUM IN TUSCIA

Mentula maxima in Hispania detexa est

ANTIQUI MORES (VII)

Subnotationes fient
ante finem Septembris.