|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
CULTUS
LEONARDUS (X)
Non una Domina Lisa existit : altera iunior (earlier Mona Lisa vel Isleworth Mona Lisa) quam quidam artis periti pictam esse prope ab annis MDIII ad MCVI reputant. Minore magnitudine, in tabula lintea efficta, in Britannia mansit donec studiosissimus artis Henricus Pulitzer eam acquisivit et servavit in argentaria Helvetica: nunc cuiusdam gregis sine nomine est. Aliquamdiu Florentiae exposita est. Nonne verisimile videtur Leonardum duplicem imaginem eiusdem feminae depinxissse , unam, ut scripsit Georgius Vasari ineunte saeclo XVI, alteram quam artifex Francisco I donavit, annis obitum antecedentibus? “Non est imitatio” aliqui aiunt, “sed duae tabulae dissimiles exstant, quae eandem feminam dispari aetate effingunt”. Historicos saeculi XVI illud confirmare; similem autem esse corporis et manuum statum, locorum recessum imperfectum. Qui hoc negant, tabulam linteam non pertinere ad Leonardum neque artem pingendi affirmant. Tamen opus non satis a peritis inspectum est. Controversia exorta est etiam de dominio inter heredes Henrici Pulitzer et exterorum gregem. Italia quoque de contentione particeps est: anno MCMXXII in illa republica tabulam esse, sed postea contra legem translatam. Si vere Leonardo opus adscriberetur, pretium tam ingens esset ut non aestimari posset. Scripsit Lydia Ariminensis |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
