Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

CRABATUS
SIVE MOLENDINUM SATANICUM
Fabula Otfridi Preußler a Nicolao Groß in Latinum conversa


Praefanda
CRABATUS SIVE MOLENDINUM SATANICUM

1. Praefanda

    1. De auctore

Otfridus (Otfried) Preußler natus est d.20.m.Oct. a.1923 in Bohemiâ. Abiturio superato Otfridus miles factus Bello Mundano altero a.1944 a Russis in vincula coniectus est. Idem post quinque demum annos, aetate 26 annorum, dimissus est. Feliciter accidit, ut eius cognati et amica fugere possent Rosenhemiam. Idem in oppidum Otfridus iit et eodem anno amicam in matrimonium duxit.


Cum parentes iam essent magistri, Otfridus quoque constituit, ut disceret docere. Ut eo tempore, quo tirocinium magistrale fecit, satis pecuniae mereretur, operabatur munere diurnarii birotâ vehentis fungens et coepit fabellas pueriles scribere pro emissionibus radiophonicis. Ex a.1953 munere functus est magistri et rectoris scholaris.


Otfridus cum factus esset pater trium filiarum, solebat iisdem recitare fabellas a se ipso confictas, ut obdormiscerent. Unam ex iisdem fabellis Otfridus publicavit a.1956: quae inscribitur „Der kleine Wassermann" (Aquariolus). Postea idem auctor paulatim in claritudinem pervenit. Itaque Otfridus a.1970 a munere rectoris scholaris destitit et factus est auctor lîber. Eiusdem opera clarissima sunt „Der Räuber Hotzenplotz" (Raptor Hotsenplotsius), „Die kleine Hexe" (Magula) necnon „Crabatus".
http://www.preussler.de

 

1.2. Summarium e Wikipediâ excerptum et Latinê redditum

Krabat est liber iuvenilis Otfridi Preußler a.1971 in lucem editus. Argumentum huius libri confictum est secundum mythum Sorborum sive Venedorum popularem. Eâdem fabulâ narratur de puero Crabato, qui tiro molitoris magistri magici factus et illius maleficiis satanicis obnoxius studet libertatem suam recuperare. Denique amor vincit potestates obscuras.

Index contentorum

  • 1 Argumentum Crabati
  • 2 Quomodo fabula exorta sit
  • 3 Praemia
  • 4 Adaptationes artificiosae
    • 4.1 Crabatus ad cinemata redactus
    • 4.2 Crabatus auditorius
    • 4.3 Crabatus in dramata et melodramata redactus

  • 5 Litterae ad Crabatum spectantes
  • 6 Iunctiones interretiales
  • 7 Fontes

1 Argumentum Crabati

Fabula agitur in Lusatiâ (sorb. Łužica) tempore Magni Belli Borealis, de Crabato puero orbato quattuordecim annos nato, qui tiro fit in molendîno, quod situm est in Uligine Coselianâ (Koselbruch), prope vicum Nigricolmiam (Schwarzkollm). At iam brevi post Crabatus animadvertit hoc molendînum esse scholam magicam, in qua ipse unâ cum undecim discipulis ceteris a Magistro Molitore instituitur arte nigrâ.

In initio Crabato placet tirocinium molitorium idemque magicum. Qui admiratione commovetur potestatis magicae, quam habeat in alios homines. Necnon in familiaritatem venit sociorum molitoris. Amicus Crabatus familiarissimus fit Tonda, socius maior natu, qui sibi fit exemplo. At ne per annum quidem haec amicitia durat, nam Tonda primo iam anno exeunte moritur – dicitur hoc factum esse infortunio – et proximo anno ineunte novus tiro in locum Tondae succedit. Etiam altero anno exeunte unus e sociis moritur mysterialiter – cuius in locum iterum supponitur tiro novicius. Crabatus paulatim et gradatim perspicit istunc lusum horribilem, cuius ipse particeps factus est: A Magistro Molitore, qui animam suam diabolo oppigneravit, omni anno exeunte unus e discipulis suis immolandus est „Domino Patrino" („dem Herrn Gevatter"). Alioquin sibi ipsi moriendum esset.

Crabatus, ut Tondam amicum suum aliosque socios interfectos ulciscatur, artem nigram quam optimê exercet et denique fit molitoris discipulus omnium optimus. Voluntas autem Crabati confirmatur amore cuiusdam puellae (quae appellatur Kantorka, Sorbico nomine praecantatricis cantuum paschalium); eam clam convenit, sed puellae nomen ignorat.

Denique Iuro, unus e sociis, Crabato patefacit esse viam, qua magister superetur: Necesse esse, ut puella Crabatum amans magistrum roget, ut Crabatum dimittat. Examine quod sequitur decertatur, cui moriendum sit: magistro an amantibus. Amantes si superaverint, etiam omnes ceteri socii liberabuntur ab exsecratione molendîni nigri. At exsecratione sublatâ etiam tollentur sociorum facultates magicae, ut iidem nihil sint nisi socii molitores.

Denique magister Crabato aliam quoque viam patefacit: Crabatum posse etiam examine omisso fieri magistri successorem, sed Crabato recipiendum esse contractum cum „Domino Patrino" factum et loco sui ipsius unum ex aliis sociis immolandum, hôc anno omnique futuro. At Crabatus animo firmo istanc magistri oblationem respuit: se nolle culpam contrahere aut culpae fieri participem interfectione consociorum. Itaque Crabatus unâ cum puellâ suâ eligit viam amoris. Puella autem magistrum cum rogaverit, ut Crabatum dimitteret, a magistro subicitur examini: Cantorcae oculis obvelatis inveniendus est Crabatus amatus inter undecim socios versans. Tum Crabatus timore corripitur puellae amatae: qui sibi videtur in culpâ esse, quod puellae moriendum sit – at Cantorca cum sentiat Crabatum timere de vitâ Cantorcae - non de propriâ – illum ideo agnoscit; quo fit, ut examen superet: Crabatus eiusque consocii sunt liberi. Ultimâ nocte anni moritur magister, molendînum incendio absumitur: - malum victum est amore.

Quomodo fabula exorta sit

Otfridus Preußler Crabatum scripsit – quibusdam spatiis interpositis – per decem annos. Exemplo sibi fuit quidam Sorbicus mythus Crabati popularis, qui agitur saeculo 17.o exeunte prope vicum Nigricolmiam (Schwarzkollm) in Lusatiâ Superiore (Oberlausitz), inter Hoyersverdam (Wojerecy) et Camentium (Kamenz, Kamjenc) sitam. De tirone, qui debet magistro suo resistere eundemque ad pugnam provocare, in multis aliis mythis narratur, necnon de amore, quo tiro redimitur. Otfridus de libro suo dicit haec:

„Meus Crabatus est ... mea historia, historia hominum mei coaequalium omniumque iuvenum, qui in potestatem eiusque illecebras incidentes iisdem irretiuntur."

Prima editio Crabati Otfridiani facta est a.1971 in Aedibus Arenae, ex anno 1981 hic liber editur in Aedibus Thienemannianis. Imagines et editionis communis et editionis decorissimae a.2005 factae, quae est colore sepiaceo, delineati sunt ab Herberto Holzing. Liber Crabati interim conversus est in 31 (triginta unam) linguas. (Sequetur versio tricesima secunda, quae est Latina! adn. interpretis).

Praemia

Krabat liber Otfridi Preußler a.1972 honestatus est Praemio Libri Iuvenilis Germanico et Polonico; a.1973 honestatus est „Stilo argenteo Roterodamensi", i.e. praemio libri iuvenilis Batavico; mit dem Deutschen Jugendbuchpreis und dem Polnischen Jugendbuchpreis ; Universitatis Patavinae Praemio Libri Iuvenilis Europaeo; Praemio Associationis Librariae Americanae"; a.1977 praemio libri iuvenilis ab unione editorum Polonorum donato..

Adaptationes artificiosae

Crabatus ad cinemata redactus

Secundum librum Preußlerianum a.1977 a Bohemo Karel Zeman sub titulo Čarodějův učeň confecit cinema animatum laudatissimum. In versione Theodisca vox magistri molitoris edita est a Friderico (Friedrich) Schütter..

Marco Krezpaintner dissignante annis 2006-2008 confectum est cinema. Quod primum actum est d.23. m.Sept. a.2008 in cinematêo „Lichtburg" urbis Essen et e die 9. m.Oct. in cinematêîs Germanicis spectatur..

Crabatus auditorius

  • Sub notâ mercatoriâ Karussell a.1983 confecta est series ludorum auditoriorum tripertita, in qua Otfridus Preußler librum suum recitat..
  • A.2008 eodem tempore ac cinema Crabatianum in domo editoriâ Jumbo editus est ludus auditorius, quo narratur fabula Preußleriana et interponuntur voces cinematis originales..

Crabatus in dramata et melodramata redactus

Litterae ad fabulam Crabati spectantes

  • Otfried Preußler: Krabat. dtv, München 1980, ISBN 3-42325-087-9
  • Otfried Preußler: Krabat. Schulausgabe mit Materialien. Thienemann, Stuttgart 1988, ISBN 3-52214-410-4
  • Otfried Preußler, Heinrich Pleticha: Krabat – Lehrerbegleitheft. Thienemann, Stuttgart 1988, ISBN 3-52214-450-3
  • Johannes Diekhans (Hrsg.), Timotheus Schwake: Otfried Preußler, Krabat. Schöningh, Paderborn 2007, ISBN 3-423-25087-9 (Unterrichtsmodell in der Reihe EinFach Deutsch)
  • Heiko Fritz: Das Mysterium der Mühle. Mit einer Deutung der Geschehnisse in Otfried Preußlers Roman „Krabat". 1. Auflage. Igel, Oldenburg 2002, ISBN 3-89621-147-1

Iunctiones interretiales

  • De Crabato refertur in paginâ Otfridi Preußler interretiali
  • Opus Crabati recensetur ab ephemeride „Preußischer Landbote"

Fontes

  1. http://www.preussler.de/multimedia/krabat-index.html]
  2. http://www.preussler.de/werke/jugendbuecher01.html
  3. Krabat (1977) in „Internet Movie Database (Anglicê)
  4. Krabat (2008) in der Internet Movie Database (Anglicê)
  5. http://www.karussell.de/krabat_das_1._jahr_
    otfried_preuszler_19833.jsp
  6. http://www.jumboverlag.de/krabat/index.html

http://de.wikipedia.org/wiki/Krabat_(Preu%C3%9Fler)

 

 

 

Magus Magister Molitor (Christian Redl) et Crabatus (David Kross)

 

Crabatus (David Kross)

 


Cantorca Crabati amica amatissima (Paula Kalenberg)

 

 

Ecce 39 imagines cinematis Crabatiani:

http://www.filmstarts.de/kritiken/73775-Krabat/bilder/Scene%203.html

Ecce cinema introductorium:

http://www.youtube.com/watch?v=sUd43YtS20Y

Ecce quomodo condocefacti sint corvi Crabatiani:

http://www.youtube.com/watch?v=vuHRE6aI2rk&feature=user

Ecce quomodo vestimenta facta sint Crabatiana:

http://www.youtube.com/watch?v=3EHZkVwLVVU&feature=user

 

Haec hactenus de Crabati fabula et cinemate. Mox accipietis versionis Latinae partem primam. Utinam vobis placeat!

 

(Proxima pars mox sequetur!)


CRABATUM LATINE REDDIT
NICOLAUS GROSS

LEO LATINUS

http://www.leolatinus.com/


  UTILIA

Bibliotheca Augustana
The Latin library
Latinitas Romana Salesiana
Poesis Latina Hodierna

  VARIA

  SCRIBE NOBIS

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: