CIRCULUS LATINUS PERPINIANENSIS
2004-2005 : unus annus cum Erasmo docente et colloquente.
Verba caeruleo colore ad paginas interretialis situs nostri Gallicam conversionem praebentes referunt - les mots en bleu renvoient à des pages de notre site internet qui offrent une traduction en français.
http://perpignan.latinitatis.com
* 13.10.2004 : IN PRIMO CONGRESSU COLLOQUI.
- Quis / quae es / est ? sum… / Quod est praenomen tibi / mihi / ei ?
Quaeque singulorum praenomina Latine convertuntur, libello Caroli Egger auxilio (gratias iterum tibi agimus, Maria-Pia !).
- Lectio Erasmiana : Colloquium I. Salutandi formulae 1°, 2°, 3°, 4° ("Salve ! Salvete !").
- Cantilenae : Nunc audite et Mecum cantate (gratias vobis, Doridi et Antonio Wagner !).
= > Grammatica revisa : casus vocativus et modus imperativus.
- Cum peritioribus (iam monitis) : Quid egisti per ferias aestivas ? (Cf Commercium epistularum VI).
* 17.11.2004 : LUDERE.
- Lectio Erasmiana : De civilitate morum puerilium, cap. de lusu (gratias vobis donatoribus, Gaio et Franciscae !).
| In lusibus liberalibus adsit alacritas, absit pervicacia rixarum parens, absit dolus ac mendacium. Nam ab his rudimentis proficitur ad maiores iniurias. Pulchrius vincit qui cedit contentioni, quam qui palmam obtinet. Arbitris ne reclamita. Si cum imperitioribus certamen est possisque semper vincere, nonnumquam te vinci patere, quo ludus sit alacrior. [...] Animi causa ludendum est, non lucri gratia. Aiunt puerorum indolem nusquam magis apparere, quam in lusu. Si cui ad dolos, ad mendacium, ad rixam, ad iram, ad violentiam, ad arrogantiam propensius ingenium, hic emicat naturae vicium. [...] |
Post monitiones, ad rem !
- Ludus septem familiarum (de muneribus), Gallice "jeu des sept familles" :
Apud Gallos pueros famosus ac gratus est ludus chartularum quem vocant septem familiarum. In hoc circuli congressu, Olivarius non est magister Latinae linguae nec grammaticus sed magister ludi ! Nunc vobis explanat quomodo ille ludus ludatur :
1) Singulis ludi "familiis" sunt senae chartulae sive personae : filia, filius, mater, pater, avia, avus. Ut aliter dicam, quaeque familia habet suam filiam, suum filium, suam matrem, cet.
2) In uno ludo sunt VII familiae ergo septies senae chartulae. Quae sunt nomina VII familiarum ? Agricolae (decl.I), condimentarii (decl.II), fabri lignarii (decl.II), carpentarii (decl.II) sive refectores (decl.III) autoraedarum, piscatores (decl.III), pistores (decl.III), structores (decl.III).
3) Facere oportet completas quam plurimas familias (ita ut aliquis vincat). Itaque si quis in manibus nonnullas cuiuscumque familiae chartulas tenet, a quolibet petere debet eas chartulas quae illi desunt. His verbis petat : "In familia agricolarum aut condimentariorum, cet, care / cara (+ praenomen casu vocativo), cupio / volo / voluerim, quaeso, filiam aut filium, cet."
4) Cui chartula petitur is, si eam habet, dare debet dicens : "habeo" vel "tene" aut "non habeo". Cum autem petita chartula accipitur, urbanum est dicere : "gratias tibi ago".
5) Qui novam chartulam acquisiverit ludere pergat usque tempus quo novam chartulam non obtineat. Tum vicinus vel vicina a dextra vel a sinistra vice sua ludit id est chartulam petit.
6) Quis tandem familiam completam habeat, hoc dicere ei liceat : "(unam) familiam (habeo)", simul omnes VI chartulas in mensa deponens et ostendens. Qui plures familias acquisiverit, vincet !
= > Grammatica revisa : casus nominativus, accusativus et genetivus declin. I, II, III.
* 15.12.2004 : FESTUM NATALICIUM PARARE.
- Lectio Erasmiana : Colloquium XIV. Formulae 1° (Agendi gratias formula) et 7° (Vocabula de affinitatibus).
- Charta q.i. Commercium epistularum VII (Noël) lecta, quisque particeps explanat in quo loco et cum quibus illo festo die futurus sit, quaeque munera se daturum et accepturum opinetur !
- Lectio Evangelii Nativitatis secundum Lucam, 2, 1-7 ubi de edicto "a Caesare Augusto" agitur et secundum Matthaeum, 1, 18-24 et 2, 1-12 quod fabula tam clara est ut etiam tirones verba Latina pleraque magna cum contentione intellegere possint.
= > Grammatica revisa : tempus futurum (in colloquiis nostris adhibitum) et praeteritum perfectum (activum ac passivum) (tantum in lectionibus recognitum et intellectum).
- Cantilenae : Die primo Christi nati (The Twelve Days of Christmas Latine reddita) et Tacita Nox, placida ! (Stille Nacht Latine reddita).
NOTA BENE : Ut festum Circuli Latini laetissimum esset, d.17 m.Nov. petitum est a quoque reventuro participe ut ad hunc ultimum anni congressum quodlibet parvulum munus minimi pretii (librum, ornamentum plasticum, vinum, cet !) secum afferret. Tunc enim, numeris singulis muneribus attributis, et chartula cum numero sorte accepta, quisque Latine ceteris quid de suo inexspectato dono censeat dicet !
* 12.01.2005 : FESTUM NATALICIUM NARRARE ; VOTA VOVERE.
- Charta c.t. Commercium epistularum VII (Noël) denuo utimur ut hac vice dona a nostris data et res gestas inter ferias enarremus.
= > Grammatica revisa : tempus perfectum activum et passivum.
- Lectio Erasmiana : Colloquium I. Salutandi formula 7° (Auspicanti quippiam : novum annum) et 8° (Vale, in digressu).
Tibi exopto laetum novum annum, bonam noctem, cet.
Te jubeo valere / curare cuticulam, cet.
= > Grammatica revisa : verba deponentia (e.g.precor, auspicor, cet.) et accusativus cum infinitivo (te jubeo, cet.).
- "Tralaticiae fabulae de Natalicio tempore" (Gallice "contes de Noël") a nonnullis nostrum coram et Latine scilicet narratae.
- Salutationes in digressu (cum Erasmianis sententiis !).
* 09.02.2005 : VERA ET FALSA NARRARE ; CREDERE AUT NON CREDERE.
- Lectio Erasmiana : Colloquium XIV.Formulae 2° (Nova rogandi formula), 3°, 4°, 5°, 6° (Credo / Non credo formula). Fabula de Epimenide qui in quadam spelunca XLVII annos dormivit…
- Ludus veri ac falsi, sanorum ac insanorum : peritiores nostrum haec colloquia imitantur vera aut incredibilia alteris annuntiando. Responsa idonea exspectantur.
= > Grammatica revisa : supinum casu ablativo (difficile creditu, incredibile dictu) et varii usus dativi casus (alicui credere ; cui bono sunt ? cui sunt usui ? cui rei sunt utiles ? proficiunt, cet.).
Ab hoc congressu etiam tirones breves certe sed completas sententias ad respondendum conficere scituros esse speramus.
- Cantilenae : Quae arbores illae sunt ? et Tres Romani.
* 16.03.2005 : PERCONTARI ET PRECARI.
- Lectio Erasmiana : Colloquium II. Percontandi forma in primo congressu 1° (Valesne ?).
Hoc colloquio lecto, alter alterum facile interrogat. Deinde, de imaginibus satyrice delineatis et varias personas repraesentantibus interrogatur : "Quo pacto tibi videtur prima persona valere, cet. ?"
= > Grammatica revisa : adiectiva adverbiaque gradu positivo, comparativo ac superlativo (bonus, melior, optimus / bene, melius, optime ; felix, felicior, felicissime / feliciter, felicius, felicissime, cet.).
- Canticum gregorianum : Veni Sancte Spiritu (XIII° s. ineunte compositum) ab Olivario cantatum et una cum omnibus in Francogallicum translatum.
| Veni Sancte
Spiritus et emitte caelitus lucis tuae radium. Veni Pater pauperum, veni dator munerum, veni lumen cordium. |
Consolator
optime, dulcis hospes anime, dulce refrigerium. In labore requies, in aestu temperies, in fletu solatium. |
O lux
beatissima, reple cordis intima tuorum fidelium. Sine tuo numine nihil est in homine, nihil est innoxium. |
Lava quod est
sordidum, riga quod est aridum, sana quod est saucium. Flecte quod est rigidum, fove quod est frigidum, rege quod est devium. |
Da tuis
fidelibus sacrum septenarium. Da virtutis meritum, da salutis exitum, da perenne gaudium. Amen. Alleluia. |
- Post cantum, peritiores nostrum invitantur ad hoc canticum imitandum, pro Sancto Spiritu "bonum magistrum" precando…
* 13.04.2005 : STUDERE ET DECERTARE.
- Lectio Erasmiana : Colloquium X. Lusus pueriles 2° (Saltus).
Post lectionem, colloquium talibus quaestionibus ducitur (verbis Erasmianis iteratis) :
"Libetne tibi / placetne tibi linguae Latinae studere ? Quam ob rem ?"
"Quibus rebus tibi libet studere ? Cur ?"
"Quid convenit in hoc discendo / in hac re discenda ? Quid agendum est ad hoc discendum ? Quid oportet facere ad hanc rem discendam ? Quo faciendo hanc rem / linguam Latinam discis ?"
"Quod est praemium / quae sunt praemia eis qui huic rei / linguae Latinae student ?"
= > Grammatica revisa : gerundivus modus sive adiectivum verbale necessitatis ("si faciendum sit…", quo faciendo, cet. ?) et gerundium ("saliendi genus", saliendo).
- Cantilenae : Vivat Latinitas (Ave, Latinitas perennis, salve miranda Latinitas !) et Gutta cavat lapidem (… saepe cadendo. Cantus a Salieri compositus).
- Post has graves arduasque revisiones, nova certandi occasio sine vero periculo, novus ludendi genus nobis hodie offertur : ludus Latinus SCRABBLE qui fieri possit nova scholasticorum iudicandorum ratio in universitate Perpinianensi !
* 18.05.2005 : DIEM AGERE ; SCIRE DISPUTARE.
- Lectio Erasmiana : Colloquium LIV. Diluculum (excerpta ex initio usque "quid esse potest dulce nihil sentienti ?").
- Post lectionem, ab omnibus petitur ut primum quaslibet quaestiones ex hoc colloquio extrahant (lege infra), deinde quoslibet interrogent, denique ab eis ipsis responsa idonea accipiant :
" Qua hora soles lectum relinquere ?"
"Ubi eras heri vesperi ? Quid agebas ?"
"Quae est tibi consuetudo ? tua pessima consuetudo ? tua optima ?"
"Quid tibi videtur pretiosissimum ?"
"Quomodo gaudes tempus perdere ?"
Tunc autem etiam id exspectatur ut plerique participes contra alios dicere sciant.
= > Grammatica revisa : casus ablativus temporis et loci ac tempus praeteritum imperfectum.
- Cantilena : Gaudeamus igitur.
* 15.06.2005 : ITER FACERE.
- Lectio Erasmiana prima : Colloquium II. Percontandi forma in primo congressu (sequitur) 4° (Percontandi reducem. Alia).
- Olivarius, qui praeterito m. Maio cum discipulis suis Narbonem, Tolosam et Moyssiacum visit, iter Latine narrat imaginibus diapositivis proiciendis.
= > Grammatica revisa : supinum casu accusativo et tempus praeteritum perfectum ; casus locativus et complementa loci sine praepositione.
- Tunc colloquium inter nos oritur de proximis feriis aestivis sed etiam de proximo scholari anno : quisque quae acturus et quo aditurus sit narrat, cum charta, si libet, c.t. Commercium epistularum VI.
= > Grammatica revisa : tempus futurum I et II.
- Lectio Erasmiana altera : Colloquium I. Salutandi formulae 7° (Auspicanti quippiam : quoddam inceptum, quoddam iter).
- Cantilenae : omnia cantica quae hoc anno didicimus ultima vice laete sonabimus !
"Valete, sodales optimi."
(Colloquium XV. Convivium profanum)