DE PAPAE MORBO

Pontifex aegrotat

Pontifex maximus Franciscus hodie in angelica oratione, quae semper die Solis habetur, de corpore suo nonnulla exposuit. Ad abdominis morbum enim medendum, ille pontifex ad nosocomium Romanum "Gemelli" peruenit atque in illa insula, in qua pontifex Iohannes Paulus II contra missilis uim ualde pugnauit, exceptus est. Ibi medentes eum attenderunt atque ab abdominis morbo eum conseruarunt: nunc tempus modo pontificis ualetudinem adiuuare poterit. Italici innumeri ciues papae carissimi salutem suspicati sunt, quorum insignissimus praeses Sergius Mattarella; ipse enim praeses, quamuis Lutetiae sit, pontificis salutem toto ex corde ominatus est.

Scripsit Andreas Nouocomensis