De indigno facinore deque amicitia violata

Res Publica Africae Meridianae parvam includit Civitatem, cui nomen est 'Regnum Swazilandiae'. Mswati(o) III, huius Civitatis regi, sunt quattuordecim uxores, quarum duodecima, nomine Nothando Dube, pulcherrima est femina.

Quotiens rex itinera peregre suscipiebat, eius satelles quidam animadverterat singularem consuetudinem administri rebus iudiciariis praepositi, qui est Ndumiso Mamba. Hic enim quoddam deversorium- absente rege- petere solebat ibique nonnullas horas manebat. Cum inesse aliquid turbidi hac in re satelles eiusque cooperatores suspicarentur, quodam die in deversorium ingressi sunt et, improviso aperta conclavis cuiusdam ianua, in ipso conclavi splendido eam regis uxorem, i. e. Nothando Dube, discinctam invenerunt et Mambam, qui sub huius feminae lecto, ne ipse a satellitibus agnosceretur, frustra se abdiderat:

http://tinyurl.com/2734sun

Hic nuntius docet, inter alia, quam fragiles sint nonnullae hominum societates coniunctionesve. Nam vetere amicitiae vinculo iuncti inter sese erant rex eiusque administer Mamba.

Scripsit Victorius Ciarrocchi

Scripsit