Annus
2 0 1 0


Fistulae ex argilla semper in urbe Matheola canunt

Fistulae ex argilla semper in urbe Matheola canunt

Alternis annis in urbe Matheola (in Lucania posita) in publico fistulae ex argilla producuntur, cuius materies his in locis abundat. Iam a neolithica aetate homines vasa fictilia fingebant. In Lucania abhinc quinquaginta (vel sexaginta) annis domibus eiusdem generis vasa adhibebantur, varia forma et amplitudine pro cibis coquendis. Magni momenti erant, pluribus in egestate viventibus; erant qui, quasi chirurgorum munere fungerentur, fictilia abscissa in pristinum statum restituebant: parsimonia maxima erat!

Ex delectamentis fictiles fistulae (uno vel duobus foraminibus praeditae) pueros maxime alliciebant delectabantque. Primum fistulae sole adurebantur et, siccatae, naturali bus colori bus pingebantur; deinde bis coctae sunt (antea sine coloribus, postea coloribus ductis). Opere confecto, fistulae sole nitebant. Temporibus praeteritis in mercatibus figuli, inter quos nonnulli longe eminebant, fistulas proponebant.

Etiam figulos celebrandi causa Societas Matheolana “Genius Loci” fistulas producit, magno concursu figulorum loci, ceterarum Italiae regionum et exterarum nationum (vel e Russia!)

Praemiis affecti sunt figuli, qui optimas fistulas (visitatorum quoque opinione) proposuerunt.

Scripsit Dominicus Caveosanus



Retro ad:

Novissima editio
Summum paginae