Annus
2 0 1 0


PERITUS ITALUS MORBOS E PICTURIS COGNOSCIT

PERITUS ITALUS MORBOS E PICTURIS COGNOSCIT

Monam Lisam nimia cholesterina laborasse?

Secundum Vitum (Vito) Franco, qui in Universitate Panormitana munere professoris anatomiae pathologicae fungitur, Monam Lisam, quam Leonardus de Vinci clarissima fortasse omnis mundi pictura depinxit, laborasse nimia copia cholesterinae. Quam effectum fuisse nimis pinguis ac sanitati periculosae diaetae.

Nimiam cholesterinam monstret xanthelasma, id est macies lutea cutis sub oculum laevum necnon lipoma (tumor adipatus benignus) in manu dextra Monae Lisae.

Ita censet Franco, qui se affirmat morbos hominum e picturis cognoscere scire. Ita exempli gratia in picturis, quas Dick Ket, pictor Batavus (vixit annis 1902-1940), de seipso pinxit (sicut imago infra), peritus Panormitanus conspexit evidentia signa morbi cardiaci.

 

Scripsit Stanislaus Varsoviensis iconoclastes.blog.onet.pl



Retro ad:

Novissima editio
Summum paginae