Annus
2 0 1 0


Life flashing before your eyes?

De morte fere tacta

Multi libri divulgati sunt, in quibus homines se mortem fere attigisse narrant: tunc tota vita ante oculos brevissimo tempore discurrit, moriens suum corpus exanime extrinsecus contemplat, sensus praevalet pacis et gaudii. Acta medica Americana "Medicina difficilis" (Critical Care Medicine) scriptum ediderunt studiosorum Slovenorum qui, postquam LII aegrotos quorum corda constiterant interrogaverant, collegerunt factum saepe cum incremento carbonii dioxydati tam in spiritu emisso quam in sanguine per arterias fluenti; etiam maior kalii densitas putatur magni momenti esse in talem singularem animi statum efficiendo.

Zalica Klemenc Ketis, quae in Mariboris universitate operam dat, "Multae hypotheses - inquit - ad mortem fere tactam explicandam pronuntiatae sunt; nos comperimus aegrotantes, qui talia experti sint, in sanguine carbonii dioxydati copiam maiorem habuisse, si cum ceteris compares. Nemo antea nexum hunc rettulerat, quare diutius studendum est."

Scripsit Herimannus Novocomensis



Retro ad:

Novissima editio
Summum paginae