Limus toxicus in Danubium pervenit

Danubius, qui per decem nationes percurrit,  limum toxicum ob metalla, quae dicuntur gravia, iam aliquot dies accipit;  haec ab Hungaria per flumen Marcal, quod in Danubium influit, transeunt;  quamquam putabatur Danubio damnum non fore magnum, tamen mortui pisces sunt reperti;  sed peius est quod homines 4 mortui sunt et laesi ad 150 in Hungaria, ubi circumiecta magis contaminata sunt; haec metalla gravia ab officina (“MAL”), quae aluminium ex saxis abstrahit, decurrunt;  feliciter tamen accidit ut aquarum in Danubio basica vis nimium a norma adhuc non aberravit.

Fons: La Tercera (Santiago de Chile) 8 oct. 2010, pag.17.

Scripsit Paulus Kangiser