Annus
2 0 0 7


Varsoviensis Episcopus electus a munere abdicat

Varsoviensis Archiepiscopus electus a munere abdicat

Wielgus "se de sacerdotibus
auscultata retulisse" negat.

Secundum auctoritates Vaticani famosus ille Varsoviae archiepiscopus paulo ante horam renuntiavit, in qua hora munus adsumere deberet".

Stanislaus Wielgus in oculo vorticis est, scandalo recens nato, postquam confessus est "se adiutorem fuisse" antiquae custodiae secretae communistarum Poloniae olim imperantium.

Ex consuetudine, Wielgus deberet assumpsisse munus in missa speciali quae ad hoc erat in hodiernum praeparata, qua in missa magna spectatio erat, ut ipse Poloniae praeses adesset.

Demissione episcopi a Papa Benedicto XVI accepta, nuntius Apostolicus Poloniae dicit Cardinalem Josephum Glemp, praecessorem Wielgi, regressurum temporaliter ad munus suum "donec nova de archediocesi consilia capiantur".

Quae res insolita videtur. Nam Stanislaus W. communistis, persecussionem acerrimam gerentibus, operam dedit, et abdicante ipso, tanta mora in eligendo Archiepiscopo incidit, quanta nunquam ante facta erat.

Scripsit Carolus Petreius Bogotensis



Retro ad:

Novissima editio
Summum paginae