SCELUS ORIENTIS

Multi in Pakistan periere

In Regione Septentrionali Nationis hodie pyrobolon incendiarium in foro mercatorio alimentari apud fines Afghanistanenses in homines adstantes inicitur, ubi maxima pars mortuorum, qui loco ipso infuerunt, sectatorum gregi religionis minoris Islamicae interfuerunt, ut uigiles Ciuitatis primo tempore praedixerunt; non semel, sed saepe et superioribus temporibus euenit ut homines, qui pro Terrore Maximo factionis maioris Islamicorum operam dant, bombardamenta atque autoraedas incendiarias conicerent. Hoc tempus infaustum summopere fuit: XXX homines perierunt atque L saltem offensi sunt propter conflagrationem pyroboli. Eodem die Terroris milites numero III in Palatium Sinense legatorum introiuerunt atque nonnullos interfecerunt.

Scripsit Andreas Nouocomensis