Die decimo quarto ante Kalendas Septembres heros pacis Kofi Hannan, anno octogesimo vitae suae exacto, brevem propter morbum mortuus est. Anno MCMXXXVIII natus est in Ghana et, sexagesimo anno exempto, Actuarius maximus Consocietatis Nationum anno MXMXCVII creatus est et decennalem honorem habuit; insignitate sua in pactionibus faciundis praemio summo "Nobel" (pro pacibus pactis) anno MMI dignatus est. "Ut iura hominum colerentur, Actuarius Hannan summopere operam dedit usque ad ultumum", sicut legati instituti nomine suo creati infausto die proclamaverunt. Scripsit Andreas Novocomensis
|
