Crotalus et cricetus una in habitant domo!

Crotalus, serpens ille venenosissimus, cui in cauda quasi crepundia addita sunt, cuius strepitu inimicos minetur, et parvulus quidam cricetus una in cella amicitia iuncti habitant in hortu zoologico Iaponum Mutsugoro Okoku, postquam negavisset anguis cricetum vivem ei edendum datum se necaturum.

Crotalus nomine Aochan natus est in hortu zoologico nec umquam alias res comedebat praeter mures iam antea necatos, quorum copia semper in frigidario hortus teneteur. Mense tamen ultimo Octobri, cum aegrotare paululum vigilibus Aochan videbatur, mures plus edere nolens, curator serpentis Kazuya Yamamoto ei cricetum vivem donum dare decrevit (o summa barbaries!). Vivem tamen creaturam ante os sibi positam cum aspexisset, gluttire eam sese Aochan negavit, amicitiam cum ipsa pangere malens. Ita et abhinc una vivunt in cellula, vicissim ludentes, criceto interdum super dorso anguis dormiente!!! Aochan autem denuo in muribus frigefactis gustare videtur.

Iapones, nescio utrum plus iocosi an crudeles, cricetum Gohan nominaverunt, quod linga eorum 'cibum' denotat.

Scripsit Krakauer

Scripsit