PAPAM CLAM PER URBEM AMBULARE???

Utrum verum id sit an non, "Ephemeris" iudicare nequit, acta diurna tamen Italorum "La Stampa" dicunt pontificem ecclesiae catholicae Benedictum XVI noctibus clam, civili habitu indutum, solum, a nemine recognitum, ad habitaculum suum pristinum ultra Vaticanum montem positum pedibus ambulare ibique per nonnullas horas manere. Qui lectorum Romae habitatis, ipsi rem invenire potestis, vigilias ad portam aedis in Piazza della Citta Leonina, habitaculum 1, noctu tenentes. Si contiget vobis cum pontifice convenire, salutate eum et nostro "Ephemeridis" nomine, quaesimus, certioremque de nostra existentia faciatis! Latine, nam ipse linguam nostram bene scire putatur.

Quem nuntium tamen a "La Stampa" dissitum potius anatem diurnariam (ut dicitur) esse putemus...

Scripsit Nanompouphos