Annus
2 0 0 6


Manus fortunae

Manus fortunae

Woody Allen, sed quasi alius Woody Allen, nobis ignotus. Deest huic pelliculae urbs New York, desunt neuroses innatae megalopolis, ars psychoanalisis necnon musica iassica. Novissimum suum cinema fecit Woody Allen Londini, cum Britannis histrionibus, et carissima sibi themata quasi reliquit Neoeboraci. Quasi...

Heros primarius cinematis est pauper adulescens, teniludii instructor Hibernus, Chris, qui morbide cupit classem superiorem societatis Londinensis intrare. Occasio huic rei apparet ei in familia divitis sui discipuli, Tom: Chris se coniungit cum sorore eius, Chloe. Iam de nuptiis consilium captum est, cum scaenam (et certe cordem pueri) intrat Americana sponsa Tom, Nola. Ambo mox discent, quam alieni huic 'classi superiori' sint.

Chris debeat eligere: prosperus vitae eventus aut libido. Neutrum amittere vult, unum ergo fortuna eliget. Ut eligere solet victorem certaminis, cum pila finalis casu in taeniam retis illidit...

Et hic Woody Allen habemus, qualem semper sciebamus.

 

Pila finalis (Match Point)

Dispositor: Woody Allen

Histriones: Scarlett Johansson (Nola Rice), Jonathan Rhys-Meyers (Chris Wilton), Emily Mortimer (Chloe), Penelope Wilton (Eleanor Hewett), Brian Cox (Alec Hewett), Matthew Goode (Tom Hewett), Rose Keegan (Carol), James Nesbitt (investigator Banner)

USA/Magna Britannia 2005

Scripsit Leo Puszczykiewicz



Retro ad:

Novissima editio
Summum paginae