Annus
2 0 0 6


De iure caeparum

De iure caeparum

Ad ferculum quattuor convivis satiandis conficiendum eges:

dimidium chilogramma caeparum,

unum hectogramma butyri,

dimidium litrum iuris bovini vel cubo confecti,

unum vel duo hectogrammata casei solidi radula contriti, e. g. vaccini Parmensis - Regiensis aut ovilli Sardi,

quattuor frusta panis,

sal et piper.

Caepas omnes minutim cultro reseca (cave ne digito oculum frices!), deinde tenui igne butyrum caleface omnesque caepas contritas insuper adde. Modico aestu dimidia hora operculo imposito coque, donec caepae fere dissolvantur, unum cochlear iuris infundens si ollae fundo adhaerere incipiant; deinde sal, piper totumque ius adde, per quindecim minuta coquere perge. Interea frusta panis vivido igni paulum torre et in singula convivarum fercula pone, caseum contritum infunde, demum ius caeparum ferventem.

Nullo spatio temporis intermisso comede, poculum vini rubri fervidi (sicut Italicum Barbera vel Bonarda) potans.

Scripsit Herimannus Novocomensis



Retro ad:

Novissima editio
Summum paginae