Annus
2 0 0 6


28

AETAS NESTORIANA METHUSALEMICAVE

Mulier Brasiliana 126 annos nata

Ecce hanc aniculam fortasse huius planetae omnium annosissimam: Maria Olívia da Silva ex Parana Brasiliae australis civitate foederali orunda hodie celebrat diem suum natalem centesimum vicesimum sextum.


Babae quam vivax sit: Maria Olívia da Silva versans in domo suâ Astorgensi

Brasiliâ ex urbe – Paulopoli relatores actorum diurnorum, q.t. „O Estado" rettulerunt Mariam Oliviam hodie diem suum honestum insolitumque esse celebraturam. Secundum „RankBrasil", qui est liber Brasilianus more illius Guinnessiani scriptus, haec anus iam ex duobus annis est mulier totius mundi omnium vetustissima.

A.2004 aetate 123 annorum ab auctoribus libri Guinnessiani cognitâ comprobatâque mortua erat Ana Martinha Mariae Oliviae compatriota. Maria Olivia affirmatur documentis demonstrare posse se esse natam d.28. m.Febr. a.1880 in civitate foederali Paulopolitanâ. Hodie eadem vivit in oppidulo Astorgâ in Brasiliâ australi sito.

Haec mulier omnium annosissima est mater 10 filiorum naturalium et 4 adoptivorum, quorum unus tantum filius adoptivus adhuc vivit 59 annos natus. Tamen Maria Olivia nequaquam caret cognatis affinibusque: Diurnarii referunt anui annosae felicique esse plus quadringentos nepotes et pronepotes et abnepotes.

Hanc relationem d. 28.m.Febr. a.2006 in periodico „Der Spiegel" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: ///www.leolatinus.com/

Scripsit Nicolaus Gross



Retro ad:

Novissima editio
Summum paginae