Slovaquia in manibus populistarum

Die Martis Bratislaviae adiuratus est novum regimen Slovaquiae foederis duorum factionum populistarum et unius nationalistarum.

Maximam vim in novo regimine factio Smer (Directio) tenebit, iuvene duce Robert Fico (in photographemate), quae factio victor evasit suffragiis parlamentariis ante duas septimanas habitis. Fico ad co-regendum invitavit factionem LS-HZDS pristini ministrii primarii, populistae Vladimir Meciar necnon Factionem Nationalisticam Slovaquiae moderatoris Jan Slota, qui homo multoties accusationes et minas horribiles contra minoritatem Hungaricam pronuntiare solebat. Hi duo viri annis 1984-98 terram iam regentes ad isolationem diplomaticam Slovaquiam pervenerunt. Sciens eos a regiminis terrarum occidentalium vix amandos esse, Fico condicionem posuerat eos ipsos regimen non intraturos. Quam condicionem ambo accepti sunt.

Rerum Slovacarum periti credunt regimen Fico, quamquam populisticum, statum oeconomiae liberae non valde mutaturum - reformationibus enim a pristino ministro primario Mikulas Dzurinda introductis oeconomia terrae maximo gradu nunc crescit.

Scripsit Nanompouphos