Infantis matrimonium in India primum resolvitur

In Raiastania septentrionali Laxmis Sargara iuvenis duodeviginti annos nata (quam in imagine adposita laetantem conspicis) primum obtinuit resolutionem nuptiarum infantilium a parentibus conciliatarum. Mulieris parentes filiam XII menses natam infanti trienni, cui nomen est Rakes, desponderat eamque domi educaverant, donec ante paucos dies futurus socer adiit ut fides servaretur et nuptiae promissae celebrarentur. "Nubere nolo, - ait puella diurnariis agenturae AFP - sed parentes mei mihi contradixerunt, ideo auxilium aliunde quaesivi." Societas "Sarathi Trust" puellae laborantis querelas audivit, quae neque iuveni nubere neque cum parentibus congredi nollet, et sponsum ad colloquendum advocavit; posthac Laxmis et Rakes coram auctoritatem publicam coniunctim documentum subscripserunt, quo matrimonii inanitas indiceretur.

Quamquam infantium nuptiae contra legem in India sunt, mos ille in regionibus rusticis adhuc diffusus est; investigatio diurnarii cuiusdam Indici recenter demonstravit, decimam quamque puellam in Raiastania ante duodevicesum annum perfectum nupsisse, perpaucas renuisse.

Sperant legati societatis Sarathi Trust hanc recusationem exemplo adolescentibus fore.

Scripsit Herimannus Novocomensis - 25/04/2012 21h25

De abortuum sumptibus impendendis

Pueri cum pueris pedibus scholam petant

"Sine opere dignitas abest, mortem mihi conscisco"

Russi praesidi Putin ob adoptionem vetitam reclamant

Non solum puniendi sed etiam educandi discipuli

Subnotationes fient
ante finem Septembris.