|
|||||||||||||||||||
|
|
NUNTII FINNICI
Nuntii Latini Societatis Radiophonicae Finnicae Generalis Ahtisaari de Proximo oriente sollicitus Martti Ahtisaari, pristinus praesidens rei publicae Finniae, qui anno proximo praemium pacis Nobelianum accepit, oratione Washingtoniae habita Europaeos et Americanos hortatus est, ut ad crisim Orientis Proximi solvendam efficacius operarentur, et suasit, ut partes, quas Tony Blair ad pacem inter Israelianos et Palaestinenses conciliandam ageret, firmarentur. (Fri, 12 Mar 2010 20:02:00 +0200) Violentia in Nigeria saevit Inter Christianos et musulmanos Nigeriae septentrionalis conflictus violentissimi orti sunt. (Fri, 12 Mar 2010 20:01:00 +0200) Gorbatshov regimen Russiae accusavit Mihail Gorbatshov, moderator pristinae Unionis Sovieticae, hodiernos Russiae moderatores accusavit, quod ex eo processu regressi essent, qui de perestroika, a se incohato, initium habuisset. (Fri, 12 Mar 2010 20:00:00 +0200) De tauromachiis in Hispania disputatur Parlamentum Cataloniae de tauromachiis vetandis disputationem suscepit. (Fri, 12 Mar 2010 19:59:00 +0200) Tahir al-Qadri terrorismum damnat Tahir al Qadri, sheichus religionis islamicae peritissimus, qui magnam auctoritatem habet, fatwam sive sententiam religiosam Londinii divulgavit, qua terrorismum damnat : Terroristas islamitas suicidas iudicat infideles, qui ad inferos sint incasuri. (Fri, 05 Mar 2010 13:35:00 +0200) Chilia motu terrae concussa Terrae motus die Sabbati (27.2.) Chiliam concussit. Primum motum, quo violentior his triginta annis in illa terra non exstitit, complures denae concussiones minores secutae sunt. (Fri, 05 Mar 2010 13:34:00 +0200) Xynthia Europam flagellavit Saeva tempestas hiemalis, Xynthia appellata, die Lunae oram Europae occidentalem flagellavit. (Fri, 05 Mar 2010 13:34:00 +0200) Olympia hiemalia finita Olympia hiemalia Vancuverii celebrata septimana vergente ad finem pervenerunt. (Fri, 05 Mar 2010 13:33:00 +0200) Calamitas insulae Materiae Insula Materia in Oceano Atlantico posita die Saturni tantis imbribus et procellis afflicta est, ut amplius quadraginta homines inundationibus et labinis terrae interirent. (Fri, 26 Feb 2010 13:17:00 +0200) Obama et Dalai-lama convenerunt Barack Obama, praesidens Americanorum, ducem spiritualem Tibeti Dalai-lama in Aedibus Albis convenit. (Fri, 26 Feb 2010 13:17:00 +0200) |
|
|||||||||||||||||
