Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO
De talentis a Deo infusis

De talentis a Deo infusis

A Domino in viam se commissuro alter servus quinque talenta accepit; alter duo, alterque unum tantum. Postquam de itinere dominus revertit, primus servus alia quinque talenta dedit ei; secundus, alia duo; qui unum talentum acceperat non ex eo lucratus erat, et id absconderat et domino redeunti restituit dicens: “Domine, scio quia homo durus es, metis ubi non seminasti, et congregas ubi non sparsisti: et timens abii, et abscondi talentum tuum in terra: ecce habes, quod tuum est” (Mt 24, 24-25). Dominus praemio affecit eos qui talenta multiplicaverant; servum autem, qui talentum absconderat, ut malum et pigrum obiurgavit, forasque eiecit; ab eo praeterea talentum abstulit, quod ei qui quinque lucratus erat dedit (cf Mt 24, 14-30).

Hac notissima parabola Iesus nos admonet ut continenter lucrum ex nostris talentis faciamus donec Dominus nos vocet ut eorum rationem reddamus Agitur profecto de bonis spiritualibus vel charitate et iustitia nec omittenda sunt alia bona pro pauperibus, pro amicis, quae sunt nobis per vitam colenda.

Omnes a Deo talenta quidem accepimus, hic pauca ille plura, et omnes iussi sumus utilitatem ex iis percipere. Non debemus igitur compressis manibus sedere, neque nos purgare quod unum tantum talentum sit nobis datum. Haec omnia ad postremum humanitatis iudicium spectant cum iis, qui recte et bene talentis usi sint, Dominus plura bona donet: “Euge serve bone, et fidelis, quia super pauca fuisti fidelis; super multa te constituam, intra in gaudium domini tui”.

Exeunte anno liturgico (civili quoque) Ecclesia nos monet ut de morte aliquantum meditemur: quid lucri ex talentis naturalibus et supranaturalibus in nostra vita fecimus? Proximum vere amavimus? Veritatem et Iustitiam exercuimus? Christo portas aperuimus?

Ii etiam qui in talentorum parabola omittuntur, ut sunt praepediti (mente capti aut membris invalidi), profecto possunt bonos fructus producere. Omnes igitur ad propria talenta colenda sumus convocati. Nemo vitam nobis reliquam praevidet, et nemo vellet apud Iudicem, Christum, manibus vacuis se praebere, sed contra unusquisque vivit et vult ut possit audire verba quae fideli servo dixit: “Euge serve bone, et fidelis, quia super pauca fuisti fidelis; super multa te constituam, intra in gaudium domini tui”.

Compendium excerptum ex Patris Iosephi I. Del Col SDB homilia Hispane exarata atque die dominico XXXIII per annum habita

Scripsit Paulus Kangiser - 22/11/2014



.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: