Varsoviae nata
per rete divulgata
ad omnia scitu digna spectans

Jovis die 28 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO
O Spiritus divine

O Spiritus divine

O Spiritus divine, ueni, ueni,

descende de celso solio Patris,

a Filio promisse nobis

auxiliator, ades, precamur!

O Spiritus divine, ueni, ueni,

incende flammis pectora nunc tuis,

ut debiles firma iuuemur

te tribuente fide, precamur!

scripsit Martinus Zythophilus

Deus Trinus

Ecclesiae Catholicae Catechismus, anno 1992 editus, nos inter et Trinitatem manifeste et constanter vinculum esse confirmat, praesertim cum Spiritu Sancto coniunctionem, quae veritates ab ecclesiasticis documentis non semper eminebant. Qua de causa Ioannes Paulus II, cum Iubilaeum anni bis millesimi appropinquaret, decrevit tres priores annos singulis Trinitatis personis dicare, scilicet Patri et Filio et Spiritui Sancto; denique Iubilaeum de totaTrinitate celebratum est.

At qui potest Deus esse ex tribus personis? Aeterna Trinitas mirum Mysterium dicitur, atque in orationibus proclamatur unum esse Deum ex tribus diversis personis dignitate aequalibus, ex una eademque natura constantibus.

Ratiocinio autem id explanare non possumus; sed credimus quia Iesus Christus id revelavit et nos in Christi veritatem firmiter credimus. “Ego et Pater unum sumus” (Io 10, 30). Praeterea baptizati sumus “in nomine Patris et Filii et Spiritus Sancti” (Mt 28, 19).

Mysterium mysteriorum est, quod nostram mentem et ingenium infinite superat. “Si comprehendis, non est Deus” … “Deus omni humano culmine altior, et mea intimitate intimior” (Sanctus Augustinus). Trinitatis mysterium fidei Christianae praestantissimum est, quia Deo ipsi proximum, et ad Dei intimitatem pertinet. Indeque in missae introitu dicitur: “Gratia Domini nostri Iesu Christi, et Caritas Patris, et communicatio Sancti Spiritus in vobis omnibus sint”.

Hic die dominico, quo Sanctissimam Trinitatem celebramus, fidem nostram renovemus in Deum Patrem, rursusque adhaesionem nostram affirmemus Iesu Christo, Filio Dei incarnato, ac vivida fide praesentiam in nobis Spiritus Sancti accipiamus.

Excerptum compendiarium ex Patris Iosephi I. Del Col SDB homilia, in die festo Trinitatis habita convertens

Scripsit Paulus Kangiser - 16/06/2014



.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: