|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Scoti eliguntDie duodevicesimo mensis Septembris cives Scotiae suffragia ineunt, decernentes utrum post tria saecula una peracta in Britanniarum Regno mansuri sint an non. Postquam acriter ab utraque parte certatum est, populus deliberabit. Opinionum indagatores recentissime affirmant parum secessionis fautores ab oppositoribus superari, decimum quemque non adhuc consituisse quid facturus sit, propter incertorum suffragia trutinam huc aut illuc inclinatum iri. Qui secessionem fulciunt, ducti a ministro primario Scotorum Alexandro Salmond, nolunt amplius regionem tantam ab rectoribus Anglis gubernari, qui divitibus faveant et plerosque Scotiae incolas ad paupertatem compellant; oppositores, quos sustinent etiam maximae argentariae et societates petrolificae, putant gravia discrimina oeconomica e secessione exoriri posse, inde magnam operis vacationem, Scotosque neque cum Britannia neque cum Unione Europaea sic mercaturos esse, ut hoc tempore fit. Extremis diebus Londinii duces maximarum factionum, videlicet conservativae laboristicae et liberalis, maiores potestates Scotorum senatui unanimes pollicentur, si unitatem maluerint, praesertim in pecuniae valetudini destinatae partitione, de qua magnopere post secessionem dubitatur. Scripsit Herimannus Novocomensis - 17/09/2014 12h01 . . |
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||