|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
d.24. m.Aug. a.2014, h.08:00 Conflictus Ucrainiensis Natonem deliberare, num defensionem antiballisticam instruat ad Russos arcendos SPIEGEL accepit in Natone disceptari, num defensio antiballistica etiam contra Russos instrueretur. Gubernatio autem foeralis Germaniae ab hôc incepto dissuadet: ne Moscovienses provocentur sine necessitate. Ecce systema antiballisticum Californiense (imago ex archivo sumpta): Deliberari de defensione antiballisticâ contra Russos instruendâ. Hammaburgo ex urbe - In Natone deliberari, num defensio antiballistica, quae instruetur ad impetûs ex oriente propinquo factos evitandos, etiam contra Russiam sit dirigenda. SPIEGEL accepit tales postulationes Americâ adiuvante audiri ex balticis terris Natonis membris et ex Poloniâ.
In colloquio Natonis summitario proximae septimanae futurae praeparando illae quattuor nationes postulaverant, ut hoc decerneretur; dixerunt se sentire interventu Russorum Ucrainiensi periculum sibi imminens. At pleraeque nationes, quarum praecipua erat Germania, dissenserunt a tali re decernendâ, quia Moscuenses non essent provocandi sine necessitate. Nam Natonem per annos semper Russis affirmavisse defensionem antiballisticam non esse contra eos directam. Itaque de hac re disceptabitur post summitatem Natonis.
Aliâ in re finem adepti sunt rigidiores: Decretum enim est, ne actiones Poloniam terrasque balticas redassecurandi, inter quas sunt quattuor centuriarum in limite Natonis orientali collocatio et volatûs exploratorii ibidem faciendi, post annum automaticê finiantur. Cancellariatus Berolinensis postulaverat, ut actiones militares post annum ab omnibus civitatibus Natonianis denuo essent affirmandae. Gubernatio Germaniae foederalis quia denique sôla hoc postulavit, a suâ postulatione destitit.
Angela Merkel cancellaria cum nuperrimê Lettoniam viseret, affirmaverat, si quod periculum ex Russiâ immineret Lettoniae, Natonem huic terrae affuturam esse. Necnon cancellaria leviter tetigit res in summitate Natonis Cardiffiensi mense Septembri ineunte tractandas: Praeter exercitia bellica aliaque disceptatum iri etiam de "exercitiis exaugendis".
Hanc relationem d.24.m.Aug., a.2014 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/ Titulus originalis est „Ukraine-Konflikt – Nato erwägt Rakentenabwehr gegen Russland".Scripsit Nicolaus Gross - 24/08/2014 16h07 . . |
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||