|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Russi Syros hortantur, ut arma sua chemica deleant Sergius Lawrow, minister Russus rerum externarum, dixit se Syros hortaturum, ut arma sua chemica vel custodiae internationali committerent vel delerent; ea re facile prohibitum iri, ne quis Syriam aggrederetur. Id Walidio al-Muallem, collegae suo Syriaco, se iam proposuisse. Quod propositum a Syris probatum iri se sperare. Praeterea Lawrow poposcit, ut Syri consociationi armis chemicis vetandis (OPCW) se adiungerent. Iam antea Ioannes Kerry, cui in Civitatibus Unitis res externae sunt commissae, dixerat ictum Americanorum evitari posse, si Syri arma sua chemica Nationibus Unitis traderent. Quod quidem praesidem Assad, si voluisset, iam pridem facturum fuisse. Sed Assad semper negabat se ad seditiosos oppugnandos arma chemica adhibuisse. Ne minimo quidem argumento comprobari, quod ita fecisset. Interim a Baraco Obama nil relinquitur, quod ictus faciendi causa temptari possit. Sed incertum est, num legati ad conventum nationalem missi ei sint assensuri. Praeterea maxima pars civium consilia praesidis minime probat. Scripsit Volfgangus Austriacus - 10/09/2013 09h35 . . |
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||