|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS Laus Cretae Quo tranans liquidas mutatus Iuppiter undas – fabula nota refert – uenerat, ipse fui, sed redii interea: loca sum per multa uagatus, quae generum Solis regem habuisse ferunt. Haud breue iter faciens et litus et oppida uisi atque, Ariadna, tui moenia fracta patris. Tunc petii Dicten non ausus scandere culmen, quae superat uirides – gens ibi sedula – agros, quodque Iouis dicunt, intraui in montibus antrum, sed neque erat diuus nec capra clara domi. Sole calente mihi zythus non defuit umquam resinaque merum saepius acre bibi. scripsit Martinus Zythophilus |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||