Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

PERIEGETICA
Septimana Lutetiensis (

Septimana Lutetiensis (V)

... ab Herimanno eiusque filio adolescenti peracta

Mane, dum filius adhuc quiescit, iterum in Musaeum Lupariense (Musée du Louvre) revertor, sed me ante allicit templum elegans, gothicis modis exstructum, sancto Germano Antissiodorensi dedicatum (Saint-Germain-l'Auxerrois): cuius campanis resonantibus die sancti Bartholomaei anno MDLXXII signum datum est ad caedem Hugenotorum incipiendam, qua multa milia protestantium inhumane iussu regis Caroli IX a catholicis interfecti sunt.

In Musaeo aliquandiu solus - nam pridie multitudo aderat - ante Venerem Meliam obmutescens maneo, quam pluries undique photographice reddo, velut amplectens. Postea in innumeris Aegyptiis aulis me ipsum perdo, mirans sphyngas, pharaones, sarcophagos, lintres animiferas, columnas e lapide granite. Omnia magna, omnia arcana videntur: oculis occurrentem exspecto Belphegorem daemonem, qui in eodem musaeo noctu insontes necare solitus erat in fabula filmica adolescentiae meae.

In deversorium redeo ut cum filio turrim Eiffeliam ascendam. Ibi (ut narrat libellus periegeticus noster) sine intermissione occupantur operarii: etenim usque ad secundum tabulatum, id est ad CL metrorum proceritatem, gradus patienter percurrimus: inde iam urbem spectare licet. Anabathro usque ad tertium tabulatum ascendimus, unde definite admiramur totam urbem: Trocaderi aedificium, tholum refulgentem Invalidorum, latum Campum Martis, Sequanam repentem et longius turres Dominae Nostrae.

Post prandium breve quo spoliamur (nam in insula illa omnia pretia duplicari videntur), in Invalidorum Hospitium (Hôtel des Invalides) intramus et amplissimum Musaeum Exercitus visitamus; iuxta nati praelationem in aulis illis diu commoramur, ubi ostenduntur arma metallica, sclopeta, ballistae, armaturae Gallico et Thodisco necnon Japonico more exstructae. Singulare est parvus Christus crucifixus ex ferro, cuius pars superior facillime extrahenda nihil aliud est nisi pugiunculi capulus. Templum sancti Aloisii imperatore dignum est; sub solo est amplissimum Napoleonis sepulcrum, quod invigilantes circumdant duodecim caryatides immanes et duodecim tabulae sculptae imperatoris ipsius sententiis ornatae. Qui se maxima beneficia patriae suae attulisse dicit, si cum quolibet gubernatore compares: inde Francogallorum iactatio (grandeur) intelligitur.

Cenam sumimus apud parvulam cauponam Eburilitoraneam: ubi gustamus acerrimum capsicum et mandiocam (1), primum in vita mea; abundant mûsae (2).

(1) Anglice: cassava.

(2) Anglice: banana.

Scripsit Herimannus Novocomensis



Catherine Gauchon
Artiste peintre


Profectae de profectura edita sunt!

  CULTUS
ANTIQUI MORES (VIII)
De vino
  ARS VIVENDI
SECUNDA MENSA
Colloquium de cibis, coquendo, et rebus culinariis... Latine!
  CULTUS
ANTIQUI MORES (vi)
De pistrina
  HISTORIA
CULTUS DEAE VESTAE VEL ΕΣΤΙΑΣ
Apud Graecos et Romanos maxime celebrabatur
  CULTUS
INVENTUM MIRISSIMUM IN TUSCIA
XXIV statuae effossae sunt...

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: