|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
PERCONTATIO
STUDIOSUS ISRAELIANUS DE STATU RERUM IN AFGHANISTANIA Bellum iam esse perditum Ab actis diurnis Polonorum "Rzeczpospolita" divulgata percontatio Martini van Creveld, periti strategiae militaris Universitatis Hebraicae Hierosolymis
Martin van Creveld: Si victoria significet terra Afghaniensi potiri, responsum est: non. Non vestra victoria fiet in hoc bello. Rzeczpospolita: Sed praesidens Obama modo annuntiavit se missurum additicia agmina 30 milium militum... Martin van Creveld: Est id tantum iactura pecuniae at multorum hominum. Quod solum restat US-Americanis faciendum, est cogitare de honorabili exitu e hac terra. Quod frustra conati sunt facere in Vietnamia et nunc conantur in Iraquia. Obama nuper nuntiavit suos de Afghanistania revocatum iri abhinc post 18 menses. Si ego dux Talebanorum essem, simpliciter iuberem meis ad tempus anni semis exspectare donec US-Americani domum petent. Rzeczpospolita: Unde tanta vis Talebanis contra potentissimum exercitum mundi? Sicut antea contra milites Sovieticos et, saeculo undevicesimo, Britannos Martin van Creveld: Machiavelli putabat esse duo genera civitatum. Primum genus esse civitatem centralisatam, quae scilicet ex uno loco gubernatur. Hanc perdifficile est vincere, sed semel victa, in potestate victoris manet. Alterum genus esse terram decentralisatam, ubi scilicet permultae gentes regionesve de facto se ipsas regunt. Hanc facile vinces, sed dificillime tibi subordinatam tenebis. Pro dolor Afghanistaniam esse terram alterius generis. Iam Alexander Magnus potiri Afghanistania nequivit, licet agmina sua hanc terram transiverint. Rzeczpospolita: Ubi ergo error US-Americanorum? Martin van Creveld: In anno 2001, in ipso belli initio. Americani decreverunt se bellum de aere victuros. Aeroplanis tamen potes cum maximo successu pugnare contra exercitum regularem, sed non contra bellatores-monticolas. Si ingentes copias terrestres initio belli adhibuissent, fortasse motum Taleban maxima e parte delevissent. Nunc nimis sero est, ut hoc faciant. Rzeczpospolita: Fortasse solutionem belli dabunt consilia politica? Fortasse Afghani bene accipient systema democraticum? Martin van Creveld: Conata Americanorum convertere Afghanos, sicut Iraquienses, spatio nonnullorum annorum ad fidem democraticam absurdum purum puto. Rzeczpospolita: Meliusne esset invenire Afghanis monarcham? Martin van Creveld: Ita puto. Russi vicerunt bellum Tsetseniense non vi militum sed pactando cum potentissima gente huius terrae, cui auxilia dederunt, ut superaret alias gentes. At US-Americani in Afghanistania? Contempserunt systema gentilicium ac promovere conati sunt regimina plebis. Sed plebs nulla auctoritate fruitur inter Afghanos. Rzeczpospolita: Rebus ita stantibus fortasse negotiandum sit cum ipsis Talebanis? Martin van Creveld: Sed hi nolent negotiari. Exspectent, donec Americani terram relinquerint post 18 menses. Rzeczpospolita: Quid tunc? Martin van Creveld: US-Americani relinquent post se Cabuliae debile regimen pro-Americanum. Quod mox superabitur et omnia redibunt ad statum rerum anni 2001.
Scripsit Stanislaus Varsoviensis iconoclastes.blog.onet.pl - 25/12/2009 18h08
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Rzeczpospolita:
Possumusne adhuc, nos scilicet terrae-sociae foederis NATO, e
bello Afghaniensi victores discedere?
