Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

OPINIONES
Hic scriptores diversi sententiam suam aperiunt.
Verba volant,

Verba volant, facta manent

Sicut evenit similibus momentis, dum victimae dolores terribiles patiuntur, tabulas circa rotundas considunt periti cuiuslibet generis et verba distantia, non dramate tacta, summa cum maxima quiete emittunt, proferunt, consummant.

Post eventum, quod evenit ultima mensis Augusti hebdomade in Italiae centro, inter Umbriam et Picenum, copia verborum ubicumque, in orbe terrarum, effluxit sine ulla intermissione.

Contingit ut, dum aliquod rete televisivum disputat de theoriis abstractis, aliud rete descendit ad campum mortis, apud victimas, operatores, rem publicam gerentes.

Per secundum rete vidimus aliquibus diebus post eventum castra civilia surgere, cubilia comparare, auxilia adferre. Ita urbis atrociter percussae praefectum audivimus, dicens pagum, monumentis celeberrimis praeditum, dilapsum iam esse.

Et dum in priore reti conductor televisivus per helycopterum ruinas supervolitat, cum artium peritum convocare non negligat, operatores secundi retis eunt ad ruinas, comitantur operarios, sunt apud eos, bona voluntate tractos, qui maxima cum

strenuitate effodiunt saxorum cumulos, vocem, gestus, motus quaerentes et inspicientes.

Ita evenit ut videamus sub cumulis, immo audiamus vocem flebilem fortasse anus, quae dicit necesse ei esse mingere; cui operator televisivus respondit eam posse sine impedimento se agere, quia mox abit.

Scaenas consuetas multi qui facta similia cognoscunt dicent. At, contra similes opiniones aequo animo facta similia accipientes, oportet nos dicamus satis esse de hac re. Etiam Plinius senior in Historia naturali cognoscebat fragilitatem sismicam loci concussi et eodem modo facta Pompeiana in Antiquorum memoria incisa erant.

Quid tunc plura?

Contingit ut peritus quidam Francogallus, convocatus ad rete quoddam televisivum eiusdem nationis, observet domus percussa splerumque e materia fragili constructas esse. Alii sciunt, nos ignoramus. Re vera non ignoramus, quia in memoria nostra deberent esse facta Aquilana incisa.

Quid facimus contra? Tabulas rotundas!

Calamitate peracta, cives omnes, milites, operators cuiuslibet generis moventur ad auxilium adferendum. At cur pro-videndum est, cum contra prae-videndum rerum stadium curandum nobis sit, plurisaeculari experientia praediti?

Ita comica auribus nostris sonant verba eorum qui dicunt, sicut miles gloriosus Plautinus, summam pecuniae ingentem destinari ad gentes variis necessitatibus iam egentes. Rident auditores et spectatores, Irpiniae casum memorantes et Belicem Vallem.

Sed non rident, immo a se petunt curnam eveniant adhuc similia facta cum experientia historica et geographica (non solum nostra sed aliarum regionum orbis terrarium) nos bene doceat, taciti sollemne suffragium pro victimis celebratum videntes. Die Saturni enim XXVII mensis Augusti episcopus loci et Rei Pubblicae antistites Missae funebri adfuerunt.

Quantis missis sollemnibus oportet adhuc adsimus oportet?

Restat ut victimae posthac vitam suam degant in calamitate multo periore quam illa nuper passa, i.e. in promiscuitate sub tentoriis, intimitate iam perdita. Restat ut mortui enumerari nequeant, cuius numerus scandalum fit die post diem.

Claudo considerationes meas me referens ad actorem principem fabulae scriptoris Francogalli, cui nomen est Albertus Camus.

In fabula, quae inscribitur La Peste (Lat. De pestilentia), medicus quidam qui minime credit Deum esse, pro humanitate solum se agit et pericula mortalia adit sine timore pro vita sua.

Lectio ultima nobis restat: ut nos agamus summa cum humanitate pro victimis, sed nos opponamus maxima cum firmitate negligentiae et ignorantiae hominum. Cum enim videmus domus agglutinatas alteras alteriis, saxis factas, exenteratas, dirutas, impudenter ostentantes fragilitatem et modi operandi absentiam, non solum contra rem publicam gerentes, sed praecipue contra cives qui maxima cum insania ad similem operam se dederunt, ira magis quam stupore capimur. Hisotria docet, sed ignavia aciem et mentem obtundit. Praeterquam quod Fato – sicut dicit Seneca in Questionibus Naturalibus – omnia regantur.

Scripsit Johannes Teresi - 12/09/2016 10h48



Nuntii Latini Stationis Radiophonicae Finnicae

Nuntii Latini Bremenses



.

.



BREVES Apud Africae civitatis Burkina Faso fines orientales coenautocinetum quoddam forte globum ignivomum subterraneum, qui vero per Islamicos terroristas ibi sitos humatus videtur, hodie conculcavit: homines ideo decem saltem displosione interisse quinqueque offensi esse computantur.
Laetissimum Diem Nativitatis omnibus lectoribus scriptoribusque ominamur!
Cum ante annum atque dimidium Bactrianae terrae potestatem Talebani obtinuissent, iura mulierum extemplo omnibus curae esse coeperunt, praesertim cum de muliebribus institutionibus cogitaretur. Acta diurna Bactriana "Tolo News" administratorum consilium, quod omnes pertimescebant, publicarunt: Bactrianarum mulierum accessus ad universitates "usque ad novum iussum" intermittetur.
Ipse partis conservativae "Fine Gael" rector Leo Varadkar, qui iam ab anno MMXVII usque ad MMXX primarius minister Hiberniae fuit, cum pristinus praeses Micheál Martin progressivus, sicut victorum sodalicii foedere sanctum est, post biennium (MMXX-MMXXII) abdicaverit, hesterno die Hiberniensis consul iterum creatus est.
Hesterno die pristini consularis petitoris Iairi Bolsonaro fautorum centena contra militiae civilis sedem Brasiliae impetum fecerunt, ut cum ad Aloisii Lula creationem tum ad seditionum ducis Josephi Xavante comprehensionem fastidium suum manifestarent. Cum coenautocinetorum quinque vigiliarumque autoraedas nonnullas seditiosi incendiavissent, tumultus cruentissimi evenerunt, quibus civis unus saltem vulneratus est.


SCIENTIAE
SOCIALIA
RELIGIO
SOCIALIA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: