NUNTII

Turchi animos ab Armeniorum genocidio avertunt

Armeniis anno MCMXV ex imperio Ottomano expulsis atque necatis Turchi etiamnunc recusant, quominus genocidium id appellent. XXIV die mensis Aprilis, cum non solum in Armenia, sed in tota fere Europa illius cladis memoria et recordatio viget, Turchi - quid mirum? – diem anniversarium victoriae, quam eodem anno apud Callipolim adepti sunt, sollemniter agunt. In illa pugna Turchi, quibus Mustafa Kemal Pasha praefuit, Britannos Francogallos et Russos vicerunt, qui eam paeninsulam occupare conati erant.

Haud falso dicunt Turchos sollemnibus illis animos ab Armeniis caesis avertere velle. Non casu fieri, ut sollemnia eodem agantur die, a quo genocidium Armeniorum initium ceperit. Recep Erdogan, praeses Turchiae, qui plus LXX praesides vel gubernatores invitaverat, ut sollemnibus interessent, ad tantam audaciam progressus est, ut etiam collegam suum Armenium invitaret.

Erdogan, quamvis ab appellatione genocidii abhorreat, tamen posteros consolatus est. "Hoc die", inquit, "qui civibus nostris natione Armenia tanti momenti est, Armeniorum Ottomanorum recordor, quicumque rebus bello mundano primo gestis perierunt. Quorum filios nepotesque consolor."

Scripsit Volfgangus Austriacus - 27/04/2015 22h14

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.