|
|
|
NUNTII 
Omnia praemia Nobeliana huius anni tributa sunt
 De praemiis Nobelianis tributis
Academia Suetica praemia Alfredo Nobel dicata tribuit his
diebus; solum praemium in rebus oeconomicis deest honorifico
indici.
In arte medica tributus est honor Maiae Britt Moser et Eduardo
Moser Norvegicis et Johanni O' Keefe ex Civitatibus Americae
Unitis, propter res novas inventas de cellulis cerebri, quae
animantibus communicant locum, ubi ipsa sint.
In physice praemio ornati sunt Japonici Isamu Akasaki, Hiroshi
Amano et Shuhi Nakamura, qui creaverint lucem emittentes diodos
(quae breviter Angli LED appellant), utilia ad
exstruendas splendidas lampadas albescentes minimi electrici
roboris egentes.
In arte chemica ceteris antepositi sunt Ericus Betzig et
Gullielmus E. Moerner, ex Civitatibus Americae Unitis, et
Stephanus W. Hell Dacoromanus, omnes physices studiosi, qui
microscopium maxima resolutione praeditum creaverunt, quo vira et
moleculae quae huc usque conspici nequiverant oculis observari
possunt.
Praemium Nobelianum litterarum tributum est Patricio Modiano
Gallico, "ob artem memoriae qua evocaverit imprehendibilia
humana fata et detexerit vividum mundum urbis occupatae",
videlicet Lutetiae in bello secundo mundano.
Summus honos ad pacem tributus est Kailae Satyarthi, vir
Indico qui iuribus puerorum totam vitam dicavit, et Malalae
Yousafray, puellae Pacistanae quae ante duos annos a Talibanis
vulnerata est, quod puellarum institutioni aperte faverat,
iuvenissima inter praemio Nobelianum exornatos. Animosae
adolescenti (cuius imago hodierna supra ostenditur)
Ephemeris iam scriptum dicaverat, quo eius oratio coram conventu
Ordinis Nationum Unitarum conversa erat.
http://ephemeris.alcuinus.net/homines.php?id=1226
Scripsit
Herimannus Novocomensis - 10/10/2014 14h26
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
