NUNTII

De seditione in insula Hongkongensi

Cur adulescentes in insula Honkongensi rebellaverunt? Quod die 31 mensis Augusti ab auctoritatibus nuntiatum est reclamationum initium fecit: anno 2017, in hac Regione Seiuncta ab administratione praecipua Sinensi, qui succedet gubernatori Leu Chun-ying, is non ab incolis creabitur, sed inter petitores a gubernatione Pechinensi electos. Sed insulani comitia vere libera exoptant.

Diebus praeteritis aedificia gubernatoris L.Y. (sic breviter nominatus est) circumdata sunt a reclamantibus et capsae magno numero glandium ex cummi refertae apud sedem gubernationis positae sunt; simulque rebelles petiverunt ut gubernator se munere abdicaret. Die Iovis media nocte extrema condicio pacis defecit, sed paulo ante rector adiministrationis loci L.Y, cum recusavisset ne munus deponeret se ad colloquia reclamantium venturum esse promisit.

Dum rebelles gregis nuncupati “Occupa Sedem Gubernationis” (Occupy Central) modum et tempus colloquiorum exspectant, proelia inter seditiosos et adversarios reclamationibus in duobus vicis insulae (Mong Kok et Causeway Bay) exorta sunt : decem saltem sauciati sunt. VI die ab incepta seditione reclamantes constituerunt colloquia pacta rescindere: nam dux factionis rebellium Benny Lai sicarios scelestos Sinae Meridionalis proeliis putat interfuisse custodibus publicis faventibus. Qui sine vi tumultuati sunt, ii animis fracti videntur.

Interea auctoritates Pechinenses seditionem male eventuram esse declaraverunt.

Scripsit Lydia Ariminensis - 05/10/2014 16h18

Catherine Gauchon Artiste peintre

TEMPESTAS AMERICANA

FACINUS LUTETIENSE

FOEDUS EUROPAEUM

MISSILIA RUSSICA

DE RE AFRICA

DE RE QATARENSI

RERUM NOVARUM STUDIUM

NOVA UCRAINA

CAPTIVORUM COMMUTATIO

NOVA DE BELLO

DE PERSIA

DE VERBIS RUSSICIS

DE CIVITATE ISLAMICA

POTESTAS BOREOCOREANA

DIES FESTUS PRO FEMINIS HODIE CELEBRATUR

.

.

Subnotationes fient
ante finem Septembris.