NUNTII

Exercitus feminae Americanae in primum agmen mittentur

Leo Panetta, Secretarius Publicae Defensioni Unitarum Americae Civitatum praepositus constituit nullum impedimentum fore quin feminae milites in primo agmine proeliantur. Quod decretum repente copiarum vim augebit. Praeterea ipsis belli regendi rationem regere licebit dummodo decem saltem annos militaverint. Quod, relatum a nuntiis vulgandis instrumentis, ab auctore Pentagoni Vasintoniae aedificii vulgatum est. Nuntius iam  publicus redditus est. Mutatio legem anni MCMXCIV (1994) evertit ex qua mulieres prohibitae sunt quominus in prima acie peditatus et tormentorum humi pugnarent, immo posthac virium peculiarium navalium (Navy Seals) poterunt participes esse. Auctoritatibus militaribus usque ad annum MMXVI concedetur excepta producere quibus a nonnullis muneribus feminae impediantur.

Nunc decem centena milia militum et centum numerantur ex quibus quattuordecim centesimae partes mulierum. Iam a longo tempore hoc frustra petebatur, sed recentissimis bellis militantes feminae auxilio missae re vera pugnaverunt ita ut DCCC vulneratae sint, CXXX enectae. Ut in prima acie bellarent aliquae in ius adversus Pentagonum adierunt. Ad quod adsequendum SocietasAmericana pro Civilibus Iuribus magno auxilio fuit.

Scripsit Lydia Ariminensis - 25/01/2013 17h01

Catherine Gauchon Artiste peintre

Constantinopoli populi motus repressi sunt

De ultimo Turcarum gubernatoris monitu

Milites Austriaci e collibus Golanianis recipiuntur

De Indica puella ab amicarum matribus exusta

De impetu tromocratico in urbe capite Afghana

Tumultus in Suecia continuantur

De Cusairis obsidione

Summi iudices in Mahumetum Ahmadinedjad inquirunt

Rios Montt genocidii condemnatus est

De feminicidio Italico

Centena corpora ruinis oppressa

Novum regimen Italicum creatum est

Litterae venenatae ad Obamam praesidem missae sunt

De funere Margaritae Thatcher

De marathonis caede

Subnotationes fient
ante finem Septembris.