Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Veneris die 4 mensis Septembris 2015
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Francogalli pedites in rem publicam Malianam missuri sunt

Francogalli pedites in rem publicam Malianam missuri sunt

Francogalli, cum incursionibus aereis complurium dierum bellatores islamisticos oppugnaverint, nunc etiam pedites in rem publicam Malianam missuri sunt, qui Diabaly oppidum in confinio Mauretaniae situm recuperent. Praeterea centum Francogallos Marcalam esse profectos, ut illos prohiberent, ne Nigrum flumen transirent. Le Drian, minister rei militaris Francogallus, hoc bellum diuturnum fore putat: cum copiae suae in regionibus orientalibus aliquid profecissent, bellatores in regionibus occidentalibus etiam nunc plurimum posse. Haec enim loca ab illis ipsis teneri, qui fortissimi et in armis exercitatissimi essent quique summo animo atque ardore pugnarent. Bellatores islamisticos tot incursionibus aereis factis tamen nondum ex oppido Diabaly fugatos esse.

Contra hostes ex Gao, Kidal, Timbuktu urbibus a Francogallis repulsos esse. Tamen sunt, qui credant illos, cum in montes prope confinium Algeriae sitos se receperint, minime esse victos, immo postea redituros.

Dum haec geruntur, islamistae Somaliani virum quendam Francogallum, qui negotia officii secreti procurabat, interficere in animo habent, quod „ubique terrarum Francogalli Mahumetanos consectentur“. Eo, quod Francogalli nunc in terra Maliana Mahumetanos aggrederentur, in hoc iudicio se esse confirmatos. Iam sabato proximo duo milites Francogalli interfecti erant, cum illum liberare conarentur.

Scripsit Volfgangus Austriacus - 17/01/2013 08h28



Catherine Gauchon
Artiste peintre



BREVES Terrae adesse tres biliones (3.000.000.000.000) arborum – docet investigatio studiosorum Yalensium, duce Thomas Crowther. Adhuc numerus omnium arborum terrae putabatur esse plus minusve 400 miliarda, quattuor ergo minor novissimo computu.

Altissimus mons Americae Septentrionalis, McKinley in US-civitate Alaska (6.194 m), nominabitur abhinc Denali, quod est nomen eius apud aborigenes Alaskanos – decrevit praeses USA Barack Obama.

Sex tramina viatoria societatis Eurostar nequiverunt proxima nocte Fretum Gallicum superare propter turbam illegalium migrantium, qui hac via conati sunt Britanniam petere.
Divulgata modo est quarta pars seriei fabularum detectoriarum "Millennium", cuius tres primas partes scripsit Stieg Larsson. Quartam, post mortem Larsson anno 2004, scripsit alter auctor Sueticus David Lagercrantz.
Mortuus est 82 annorum Oliver Sachs, neurologus et psychiatra Britannus (magnam partem vitae in USA degit), auctor librorum maxime gratorum apud lectores, ut "De viro, qui sui uxorem pro petaso habebat".
Vespere diei Iovis in Austria orientali inventum esse autoplaustrum Hungaricum, stans sine gubernatore in margine viae et portans cadavera 71 illegalium migrantium Syrorum. Mox post tres homines, qui in hac re machinari suspiciuntur, a biocolytis apprehensi sunt.

Eodem fere tempore duae naves cum migratoribus mersae sunt prope litora Lybica; saltem 200 homines vitam amiserunt.
Post duos dies casuum maximorum, die Mercurii fora Asiatica aliquantulum acquieverunt: index bursarum Sinicarum .SSEC amisit tantum 1,3%, dum et die Lunae, et Martis plus quam 8%. Oeconomiae periti timent mundum novam crisin intraturum.


HOMINES
OECONOMIA
INSOLITA
ATHLETICA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: