Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 7 mensis Maii 2016
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
DE FEMINARUM RECLAMATIONIBUS IN INDIA ADVERSUS VIM AC STUPRUM.

De feminarum reclamationibus

in India adversus vim ac stuprum

Inermis puella die 16 mensis Decembris in vehiculo publico Novae Delhi coram sponso vincto, pugnis et calcibus imposito silentio, a VI adulescentibus violata est, deinde verberata assere ferreo, tandem in viam a laophoro currenti obiecta ut lusus iam taedio affectus. Ante biduum periit infelix post longam extremamque mortis colluctationem. Quod Novae Delhi vehementes reclamationes praesertim feminarum tota nocte excitavit: vigiliae autem ad preces sumptae sunt. Interea qui rei putantur comprehensi sunt.

Erga tam efferatam vim fieri non potest ut non hoc rogemus, praesertim cum cognitum sit autoraedarium inter violatores fuisse: cur tam expedite femina deprehendi potuit in media urbe sub omnium oculis? Nonne aliquis conspexerat et audiverat quid accideret? An nemo auxilium dedit vel petivit?

Violentiam adversus feminas semper exstitisse historia docet sed hodierno tempore citato gradu atque impudentius incedit, velut si feminarum genus puniendum esset sua peculiari natura, suis optatis somniisque, sua laetae vitae spe. Novissima vis feroci ac furenti facie est, prope theatrali, ulciscendi cupida, prorsus etenim tragica. Huic sceleri nova vox creata est: feminicidium. Nec tantum in India, ubi ex antiquissimo more feminae saepissime infantes a parentibus vel adultae fictis causis a propinquis interfectae sunt atque interdum locis remotis interficiuntur, sed etiam in Italia legibus vigentibus humanioribus centum viginti feminae hoc anno necatae sunt cum abire ac maritis discedere vellent.

Toto orbe acta infanda adversus genus femininum augent immo ut belli apparatum ostentatum videntur: a nefariis putatur unam feriendam ut omnes terreantur. Tamen sontes saepe extra poenam manent, quia clam ab is qui summam imperii habent adprobantur, speciem benevolam et paternam ostendentes, re vera occulti auctores, qui opinionis communis participes sint. Sed nunc feminae Indae rebellaverunt: puella tam atrociter violata signum animosae rebellionis facta est: auctoritates attonitae verbis puellam defenderunt obiurgata iniusta nece. At num quidnam decreverunt recentioribus annis ut  tutiorem vitam mulieribus redderent? Interea puellae exsequiae inter tumultuantes celebratae sunt nec vehementes reclamationes intermissae.

(Breviter recensitum a “Corriere.it” 30-12-2012)

Scripsit Lydia Ariminensis - 30/12/2012 18h31



Catherine Gauchon
Artiste peintre



BREVES Candidatus factionis laboris Sadiq Khan electus est comitiis novus burgimagister Londinii.
Generalis Curtis Scaparrotti nominatus est dux agminum exercitus Americani (EUCOM) necnon agminum NATO in Europa.

In electione praesidis USA exeunte anno 2016 luctaturi inter sese sunt: candidata democratarum Hilaria Clinton (hodie ministra rerum externarum) et miliardarius Donald Trump. Hic solus candidatus republicanorum manet, cum post recentem victoriam Trumpianam prae-electionis in civitate Indiana habitae, aemulator eius senator Ted Cruz de certamine evasit.
Ob siccitatem agros vastantem Res Publica Africae Meridionalis decrevit statum summae necessitatis in quinque e novem sui provinciis.

4.144 homines necaverunt bellatores Civitatis Islamicae in regionibus Syriae a se occupatis a proclamatione "chalifatus" mense Iunio 2014 anni – docet aestimatio Syriaci Observatorii Iuris Hominis.
Primo trimestri huius anni primum post memoriam gentium venditio sophophonorum (Ang. smartphones) minor erat valori ante annum comparata.
24 biocolytae Galli sauciati sunt, tres quidem graviter, in pugnis cum reclamantibus contra novam legem laboris. Reclamationes habebantur in 40 urbibus.


POLITICA
OECONOMIA
INSOLITA
INSOLITA
SCIENTIAE

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: