NUNTII

Andreas Breivik ante iudices

Andreas Breivik, vir Norvegus caedis accusatus quod aestate praeterita occiderit LXXVII homines, ante tribunal defertur. Minime sceleris condolens, se iactavit "quod admirabilissimam et ingeniosissimam aggressionem a secundo bello mundano perpetrasset", se idem si posset iterum facturum fuisse et postulavit ut sibi libertatem restitueretur: opus suum rectum, non iniquum fuisse. "Minime - inquit - timeo ne vitam reliquam in vunculis peragam, nam usque ad hunc diem in carcere vixi, cui nomen est Norvegia." Dum loquitur, Andreas accurate a psychiatris observatur, cui contingit statuere utrum insania affectus sit an non.

Unus ex tribus iudicibus ab officio abdicare coactus est, quod post cruentum facinus reum capitis damnandum esse dixisset, quod in Norvegia fieri non potest. Accusatus semper animo immotus visus est, sed lacrimavit dum pellicula filmica die eodem caedis per interrete diffusa ostenditur, qua ipse odium suum in Muslimos patefaceret.

Die XXII mensis Iulii anni MMXI in media Asloa, Norvegiae capite, pyrobolum dirumpendum curaverat, deinde in insulam Utoeyam se contulerat, militis vestibus indutus, ubi multi iuvenes Factionis Laboristicae convenerant: ibi tam saeve diuque sclopetavit, ut undeseptuaginta interierint, plures vulneribus affecti sint.

Scripsit Herimannus Novocomensis - 17/04/2012 22h58

Catherine Gauchon Artiste peintre

Constantinopoli populi motus repressi sunt

De ultimo Turcarum gubernatoris monitu

Milites Austriaci e collibus Golanianis recipiuntur

De Indica puella ab amicarum matribus exusta

De impetu tromocratico in urbe capite Afghana

Tumultus in Suecia continuantur

De Cusairis obsidione

Summi iudices in Mahumetum Ahmadinedjad inquirunt

Rios Montt genocidii condemnatus est

De feminicidio Italico

Centena corpora ruinis oppressa

Novum regimen Italicum creatum est

Litterae venenatae ad Obamam praesidem missae sunt

De funere Margaritae Thatcher

De marathonis caede

Subnotationes fient
ante finem Septembris.